2022-11-09，今朝一早浸完溫泉，出去行吓，早上嘅鴨川好寧靜冇乜人
第一站行去仲源寺
專登嚟拜吓「目疾地藏尊」，可能玩得手機多，對眼越嚟越差，三年前嚟拜過，之後真係好咗啲，所以今次再嚟拜吓啦
行去知恩院途中經過円山公園，依度係建於1886年，園內有個日本庭院，係賞櫻名所，其中「祇園枝垂櫻」好出名㗎。
知恩院係日本淨土宗嘅總本山，山號「華頂山」。依個係知恩院嘅三門（正門)，建於1621年，由江戶幕府二代將軍德川秀忠所興建，高24公尺，寬50公尺，2002年被指定為「國寶」。上面掛著1710年由靈元天皇所賜「華頂山」嘅金字匾額。
三門嘅後面
知恩院嘅「御影堂」係国寶
大殿供奉淨土宗開宗始祖法然上人，所以稱為御影堂
供奉阿彌陀如來像嘅「阿彌陀堂」
阿彌陀堂上有和尚喺度念經
阿彌陀堂旁嘅靈塔
納骨堂
返酒店食完早餐就行去四條河原町搭57號京阪巴士上比叡山頂
巴士每日得兩班，我哋搭8:42
9:42就到咗比叡山延暦寺前巴士站(東塔)，落車後喺巴士站旁嘅「延暦寺バスセンター売店」，買定1000yen嘅「比叡山内バス1日乗車券」，比叡山内嘅巴士好貴，搭兩程已經抵返
跟住買飛入延暦寺，1000円，係東塔・西塔・横川共通券
延暦寺嘅大講堂，比叡山延暦寺認真嚟講並唔係一座寺院，而係指位於比叡山上分為東塔、西塔同橫川地區嘅一帶寺院，最初由天台宗最澄法師(傳教大師)喺延曆7年(公元788年)所建，叫做止觀院，後來改稱根本中堂。日本佛教許多出名僧侶，例如法然上人、親鸞聖人、榮西禪師、道元禪師、日蓮聖人等，都曾在此修行，可說是高僧輩出，所以又有「日本佛教母山」稱號，在1994年被聯合國教科文組織登錄為「世界文化遺產」。由於在戰國時代曾因庇護淺井長政同朝倉義景而遭織田信長在1571年率軍焚燬，所以也常在宗教、歷史文學作品中出現。
今日天氣好好，上次嚟嘅時候(2019年6月)好大霧，好多嘢都睇得唔清楚
大講堂內可以抄心經，媽咪上次已經抄過，所以今次無抄
大講堂旁嘅鐘樓，我同媽咪都喺度敲鐘
睇完大講堂就同媽咪行落去根本中堂
根本中堂仲喺度做緊裝修，由2016年開始嘅「平成大改修」，預計10年先至完成，所以今次冇行落去睇
萬拝堂，堂前掛住延暦寺今年嘅口號(每年の言葉)「大悲万行」，意思係時時看護眾生，解除眾生痛苦，使眾生安心。
大黒堂
文殊楼
戒壇院
阿彌陀堂
法華總持院東塔
睇完東塔，就搭車去橫川，橫川巴士站啲紅葉好靚
橫川嘅入口前有啲攤檔
有炒栗子同埋煎草餅賣
啲栗子包裝好得意
煎草餅
行入横川中堂嘅路上，楓樹開始變紅
路邊有好多小型嘅佛像
橫川中堂，由第三代主持円仁(慈覺大師)創立，唐文宗開成三年(838年)，円仁係最後的一批遣唐使前往中國求法。橫川中堂建築形式係高腳樓，係仿照日本遣唐使船隻而建,仿似漂浮的船
橫川中堂正門
睇完橫川中堂行去恵心院途經橫川鐘樓
仲見到海軍通信學校慰霊碑
行入「恵心院」嘅小徑
「恵心院」日本高僧源信（942年－1017年）又稱「惠心僧都」，晩年在此隠居修行，奠定了日本淨土宗的基礎。「恵心院」被稱為淨土宗和淨土真宗嘅發源地
元三大師堂(四季講堂)係高僧良源（912年－985年）所建，良源係第18代天台座主、比叡山延曆寺中興之祖，諡號慈惠大師。另外良源因為係正月初三過世，所以又稱為元三大師。
元三大師曾喺967年奉村上天皇之命在此舉辦四季法華經講座，自此之後這裡春夏秋冬四季都會舉辦法華經講座，所以又叫四季講堂。
元三大師堂前嘅紅葉好靚
永觀二年（984年）當時日本有疫症，慈惠大師坐禪思索如何驅除瘟疫嘅時候，影子變成一隻有角嘅鬼(夜叉)。於是慈惠大師就用此畫像成功驅除瘟疫，因此被慈惠大師又稱角大師。
角大師可以成功驅除瘟疫，媽咪寫吓護摩木，祈求身體健康
元三大師堂嘅御朱印
睇完橫川之後就搭巴士去比叡山頂，巴士經過一處叫峰道嘅地方，呢度風景好靚，見到琵琶湖，如果有時間可以喺呢度間餐廳食嘢，望住成個琵琶湖景，勁正。
大約20分鐘就去到比叡山頂
不過呢度多樹木睇景都唔係咁正
巴士站附近有間小食店，睇落啲燒魷魚好正，我哋買咗嚟食，都唔錯吖
食完就行去吊車站，搭吊車同纜車落山
吊車站側邊啲芒草好靚
依度啲吊車同纜車，係落返京都市嘅，由京福電鐵（嵐電）經營，唔同我哋上次搭嗰邊。我哋上次係由滋賀縣大津市上比叡山，搭京阪電鐵經營嘅比叡山鐵道
搭吊車
叡山吊車同纜車嘅轉車站
喺轉車站山坡半空，吊住左一個圈，喺車站有啲陶製開運碟仔俾人買，100円三個，話如果能夠掟碟仔穿過個圈就得好運喎，不過我哋玩吓都掟唔中
搭纜車落山
大約5分鐘，纜車就落到去ケーブル八瀬駅
纜車站旁邊有條「八瀨紅葉之小徑」，上次我哋去瑠璃光院都見到，當時啲楓葉係綠色，而今次都未完全變紅，可能過兩個禮拜就會好啲啦
跟住行落去叡山電鐵嘅八瀬比叡山口站
今次搭到觀光列車"HIEI”號
去到宝ヶ池駅轉普通列車去鞍馬駅，電車經過市原駅同二ノ瀬駅之間嘅紅葉隧道時，車速會減慢，俾人欣賞吓啲紅葉(雖然依家唔係好紅)
拍咗一小段電車經過紅葉隧道時嘅影片
嚟到叡山電鐵嘅尾站就係鞍馬站，一出閘就見到好大個紅色嘅大天狗像。天狗係日本傳說嘅一種生物，有又高又長嘅紅鼻子與紅臉，身材高大，背後長著雙翼。通常居住在深山之中，腰掛武士刀，穿著日式木屐，武功高強，隨身帶著蓑衣以便隨時把自己隱藏起來。著名武將源義經的父親源義朝在平治之亂中戰敗被平氏家族殺死。7歲嘅源義經(乳名牛若丸)流落到鞍馬寺寄養，源義經在寺中修行期間，決心要為父親報仇，因而每天入山習劍。並遇到傳說中嘅天狗，並學習武功。後來源義經與兄長源賴朝一齊舉兵討伐平家，在著名嘅戰役「源平合戰」中將平家一舉殲滅。源賴朝被封為第一代征夷大將軍，開創鎌倉幕府，但源義經因功高震主為源賴朝所猜忌，最終兄弟反目成仇，被迫切腹自盡。源義經係日本人所愛戴嘅傳統英雄之一，而且其生涯富有傳奇與悲劇嘅色彩，與戰國時代末年嘅真田幸村(信繁)、建武中興時代嘅楠木正成並列日本史中三大悲劇英雄。
入鞍馬寺一定要有腳骨力，先要行一條長長嘅樓梯
鞍馬寺原則上唔收費，但經過仁王門時要交300円愛山費
依條紅燈籠參道，有啲似貴船神社
跟住搭纜車上山，單程200円
大約2分鐘就到站，出站就係多寶塔
我最初以為搭完䌫車就到山頂大殿，原來仲有一段山路要行
行咗大約10分鐘，就到洗心亭
媽咪見到仲有咁長條樓梯就話唔行囉，咁我咪自己一個人行囉
鞍馬寺嘅本殿金堂
光明心殿
依條路行入去奧之院參道，同埋仲可以行去貴船神社，不過網上啲人話條路唔係咁好行，睇吓算啦
睇完之後同媽咪搭最後一班纜車（4:25pm）落山
玩完鞍馬寺就去食嘢，我哋去咗食依間くら満荘，佢最出名係豆腐
我食石燒鰻魚豆腐套餐
媽咪食湯豆腐套餐
湯豆腐
絹豆腐
魚生
天婦羅
食完之後就返鞍馬駅搭叡山電鐵返出町柳再去祗園
計好時間搭紅葉車展望列車“KIRARA”
因為鞍馬係總站，所以可以有位坐，仲坐到展望席添，如果中途站(例如貴船口)上車就要企㗎喇，其實本來我想去貴船神社睇着咗燈嘅紅燈籠，但媽咪話見我琴晚啲高台寺夜楓咁靚，又想去睇喎
夜晚電車經過紅葉隧道時嘅影片
原來個「手水舍」變咗做「花手水」
然後上高台寺
遺芳庵
開山堂
臥龍廊
方丈前庭上演Sound & Light Show
高台寺Sound & Light Show嘅影片
睇完高台寺後就去ねねの道旁嘅圓徳院，高台寺嘅塔頭寺院。據說係豐臣秀吉正室~北政所(寧寧)晚年嘅修行地方，亦係佢嘅壽終之地
圓徳院內嘅三面大黒天
留言列表
