2022-11-10，今朝一早又出去行吓，今次行祇園白川南通(白川筋)，依度有好多專做熟客生意嘅小酒家，晚上經常有藝妓出入
小酒家旁嘅白川岸邊，種咗好多櫻花樹，春天時係賞櫻熱點
白川南通上嘅小神社，供奉辰巳大明神即係狸貓大仙，傳說以前行經此處嘅藝妓常常受到狸貓嘅作弄，後來喺度起咗座神社供奉狸貓大仙，跟住就冇再發生狸貓作弄事件，至今仲時常有藝妓、舞妓來此參拜
跟住行去大雲院，即係銅閣寺。
位於祇園嘅大雲院，其實係明治、大正時代著名實業家大倉喜八郎嘅別院「真葛莊」。大倉喜八郎有見於京都已有「金閣」及「銀閣」，所以就興起了在自己別院建成一座「銅閣」的念頭，並委託相時著名嘅建築師伊東忠太，在自己別墅庭院興建外形近似祇園祭「山鉾」嘅塔式建築，並命名為「祗園閣」又名「銅閣」。「銅閣」在1997年嘅時候，已被列為國家「登錄有形文化財」。
神祕嘅大雲院一般並不對外開放，只會偶然喺京都市觀光協會舉辦「京の夏の旅」喺時候，先至開放一吓，不過都有好嚴格嘅攝影規矩，好多地方都唔可以影相。
睇完銅閣寺就行去高台寺一帶，台所坂紅黃綠交替，好靚
高台寺嘅塔頭寺院(退休方丈隱居或者紀念已故高僧嘅小型寺院)之一~圓徳院
另一塔頭寺院之~春光院
法觀寺~八坂之塔，我始終覺得最靚嘅位，就係高台寺賑店望過去。
再經過二年坂同三年坂
行落去法觀寺
喺八坂之塔旁嘅八坂庚申堂
八坂庚申堂正式名稱係「大黑山金剛寺」，寺內大殿供奉據說係飛鳥時代(592年－710年)，嚟自中國嘅青面金剛。但依家最出名係寺內掛咗一串又一串色彩繽紛嘅「祈願猴」，係打卡嘅熱點。
放喺大殿前保佑身體健康去除病痛的賓頭顱尊者，側邊亦都掛滿「祈願猴」。不過我喺度諗會唔會掛冧間屋仔㗎？
啱啱見到有人嚟影結婚相
依啲色彩繽紛但綁手綁腳「祈願猴」，係將啲布製嘅猴子手腳綁起嚟，祈願者寫出一個心願喺上面，即係話克制其他慾望，一心一意只達成自己嘅心願。
睇完就行返番去八坂神社
南樓門
舞殿
本殿
返酒店食完早餐，然後就搭阪急電鐵去崗山。
唔使半個鐘就去到嵐山
跟住行去中之島，途中經過中ノ島橋，水中嘅倒影好靚。
嵐山公園中之島地區
渡月橋
中之島嘅紅葉都好靚
秋天嘅嵐山五彩繽紛真係好靚
妙智院~天龍寺嘅其中一間塔頭寺院
入面有棵銀杏好靚
另一間塔頭寺院～等觀院
寺內庭園有觀音菩薩像
世界文化遺產~天龍寺，不過依度遊客好多，同埋我都嚟過幾次，今次冇入去囉。
另一間塔頭寺院～慈濟院
喺天龍寺前面有幾間塔頭寺院(退休方丈隱居或者紀念已故高僧嘅小型寺院)，佢哋通常都只係喺春秋兩季開放一小段時間畀人參拜，依間係弘源寺
行完天龍寺，見到對面有間鬆弛熊Cafe，同媽咪飲杯抹茶新地同鬆弛熊雪糕
食完雪糕，行嵐山竹林小徑去野宮神社，野宮神社門口有日本唯一嘅黑木鳥居
好多日本人㣨野宮神社求姻緣，好似話好靈驗㗎
頭先成條竹林小徑滿晒人，相都影唔到，過咗野宮神社就好啲，終於可以影張見唔到人嘅竹林小徑
過咗竹林就去到嵯峨野
係路上見到依間「さがの楓カフェ」餐廳前面啲楓葉好靚
跟住行去常寂光寺，常寂光寺（䢖於1596年）係日蓮宗寺院，山號「小倉山」。
不過門口啲楓葉仲唔係好紅
仁王門
本堂側邊有一棵楓葉紅得幾靚
行去後山有一個小型嘅竹林都幾靚吖
後山嘅多寶塔
跟住行去鐘樓
鐘樓前面有一棵銀杏樹黄葉好靚
睇完常寂光寺就行過隔離嘅「二尊院」，「二尊院」係天台宗嘅寺院，正式名稱是小倉山二尊教院華台寺。
入咗總門之後就係紅葉の馬場
紅葉の馬場即係參道，佢啲樹木四季有唔同嘅景色，而家秋天當然係最靚啦
本堂
大殿供奉釋迦如來同阿彌陀如來
勅使門
弁天堂
庭園
八社宮
睇完二尊院就去依間「お食事処あだし野」食嘢
食完嘢就去睇清凉寺，清凉寺始建於1016年，係浄土宗寺院，山號係五台山。
仁王門
本堂（釋迦堂）
阿彌陀堂
睇完清凉寺之後就行去大覺寺，佢個門口唔係好起眼，隨時行過咗都唔知
大覺寺係真言宗大覺寺派大本山，山號「嵯峨山」。最初係平安時代天皇嵯峨天皇嘅離宮，嵯峨天皇死後由佢個皇女正子内親王（淳和天皇皇后）於876年改建為寺院。歷代主持都係由退任天皇(法皇)或者親王擔任，與皇室淵源很深。
宸殿(牡丹の間)
心經前殿 (御影堂)
媽咪喺心經前殿抄心經
呢度用嘅係科學毛筆抄經，抄出嚟啲字會靚啲。
趁媽咪抄緊經，我就行庭園
大澤池
大約半個鐘媽咪就抄完整篇262個字嘅日本心經啦
出到門口，見到原來呢度有巴士返去四條烏丸， 唔使轉車又幾好喎
大約45分鐘就出到四條烏丸
跟住行錦小路
錦小路被稱京都嘅廚房，因為好多京都人會嚟呢度買餸， 不過而家通常都好多轉咗做遊客生意
行到去錦天滿宮
去到天滿宫摸吓神牛
留言列表
