2014年11月21日,由東京搭BR197去台北,機窗外的雪花。
班機已經遲咗起飛,等行李又慢,最後遲咗成個鐘先出閘。
出閘後就買番張台灣大哥大嘅電話卡先
跟住搭國光客運出台北車站
唔洗一個鐘就出到台北車站,跟住行過對面嘅懷寧旅店
懷寧係舊D,但勝在交通方便,又包早餐,我嚟台北多數都係住依度。
芊芊嚟酒店揾埋我,之後就去行士林夜市。
同芊芊去食鐵板燒
有得食啦,熱辣辣好好味。
食完飲返杯蔗汁先,芊芊話依間蔗汁正喎。
食完烤鳥蛋(鵪鶉蛋),就送芊芊搭公車返宿舍,我就返酒店瞓覺。
2014年11日22日,早上先到桃園機場接媽咪。
我哋首先返酒店擺低行李,本來約咗芊芊嚟酒店揾我哋,點知佢唔知醒,激死!最後係我哋去學校揾佢。
佢宿舍樓下有架校巴cafe,我哋喺依度食嘢。
食完嘢就搭捷運去淡水
冇嚟兩年,以前淡水好清靜悠閒,依家淡水好多人,淡水老街更加係人山人海,強國嘅人海攻勢真係巴閉。
芊芊話依間蛋糕好食,我哋買咗兩嚿嚟食,又真係幾好食架!
媽咪又嚟亨利屋買石頭貓袋。
依家淡水河邊填咗個新河岸公園出嚟,可以比人坐喺草地度睇日落。
行完之後就去101大樓嘅鼎泰豐食嘢,又係強國人嘅天下,要排100分鐘呀!
排隊期間我哋去101大樓嘅GU店shopping。
買完嘢就行去開餐,時間啱啱好。
2014年11月23日,今日上午去芊芊宿舍幫佢整個wifi,下晝就返台北車站搭車去野柳玩。
仲有一個星期,台灣就有九合一選舉,通街都係選舉活動,好熱鬧。睇吓我哋連選特首都係阿爺話事,我哋都冇得揀,D學生出嚟講吓都要比催淚彈招呼,真係慘!
巴士落車後,行去野柳大約要10分鐘,途中經過保安宮。
保安宮對面有人賣柳丁汁,我哋都有買嚟飲,不過幾貴,唔多抵。
野柳地質公園前有D小販檔,D台灣香腸好好食,但D燒酒螺就唔惦,原來係將D急凍螺肉放落去個螺殼度燒,唔係成隻燒出嚟。
食完就買票入去啦
一入門口就有個假女王頭比人影相
野柳係位於台湾的北方的岬角,大風又大浪,所以石頭形狀千奇百怪。
同女王頭影相好多人,要排長龍,冇嘢做同芊芊玩自拍
不過原來野柳最多嘅唔係石頭或者台灣人,而係強國人,連旗都有個「強」字架。
睇完女王頭,就搭車去基隆,行廟口夜市,芊芊指定要嚟食奶油螃蟹。
依檔三明治好正,要排好耐。
我哋試埋油飯同螃蟹羹
我哋就喺依間食奶油螃蟹同烤生蠔
D蟹係就係有羔,但食落冇乜味,芊芊話唔似新鮮蟹,係急凍蟹,唔抵食。
D烤生蠔就幾好食。
廟口夜市都幾多嘢食架,啱晒媽咪同芊芊。
芊芊話佢上次畢業旅行時嚟食過依檔奶油螃蟹好食喎,好啦,下次試吓依間啦!
最後去埋三兄弟度食甜品
食飽就行去基隆車站搭番台鐵返台北車站,就同芊芊講拜拜嘞!
2014年11月24日,媽咪執行李,我就行去酒店附近睇吓嘢。依間係國立臺灣博物館土銀展示館,係日治時期嘅日本勸業銀行台北分行,屬台灣三級歴史文物。
退房後就搭捷運去劍南路站玩美麗華摩天輪。
又有參選人宣傳車隊。
今朝芊芊考試,考完之後就去美麗華摩天輪度揾埋我哋去食嘢同行西門町。
睇埋西門紅樓就搭返捷運出台北車站,然後就轉國光客運去機場,完成今次嘅台北探芊芊之旅嘞!
留言列表