2014年11月21日,今朝東横inn嘅早餐竟然有我最鍾意食嘅咖哩飯,正!
食完之後,行去酒店對面嘅稻荷鬼王神社睇吓。
聽個名「鬼王」就好似好恐怖咁,實際好似話係驅除疾病嘅神社喎。
神社內有間攝社:惠比壽神社
行去東新宿駅搭大江戶線去上野御徒町
之後去京成上野放低D行李
跟住行去上野恩賜公園
見吓最後武士西鄉隆盛先
西鄉像後面係彰義隊之墓,係幕未時期幕府軍的彰義隊成員不肯投降(雖然江戶已無血開城),曾在此同明治新軍打了一埸「上野戰爭」,最後彰義隊幾乎全軍覆沒,死在這裏。
然後行去睇吓清水觀音堂
依個公園好大,係日本第一個公園,原本屬於皇室專用,於1924年由大正天皇賜給東京市,所以叫上野恩賜公園。内有動物園、博物館、美術館、科學館等,仲有東照宮同大學添。
公園內嘅東京國立博物館,好多人參觀,排晒長龍
仲有D學生在寫生,喺日本D公園成日都見到有人寫生,藝術氣氛比香港重好多。
國立科學博物館,館前嘅銅像係野口英世,佢係日本嘅科學家同細菌學家,依家一千日元紙幣上就係佢。
依條叫藝術の散步道,係行去東京藝術大學嘅路。
舊東京音樂學校奏樂堂,現已搬咗去東京藝術大學。
東藝大門口嘅銀杏樹啱啱變黃
上野動物園係日本著名嘅動物園,鎮園之寶係一對大熊貓。
上野東照宮,始建於1627年,係德川幕府第三代將軍德川家光為紀念佢阿爺德川家康而建(同日光東照宮一樣)。
一入大門口,就係長長嘅石燈籠陣,約有200個。
銅燈籠,共48個,係國指定重要文化財。
東照宮旁嘅五重塔係屬於舊寛永寺,亦係國重要文化財。
社殿同唐門,又係國指定重要文化財。
東照宮嘅側門(動物園通)鳥居,出咗之後就行去東京大學睇銀杏。
東京大學嘅工學部入口
東大的安田講堂,曾於1968至1969年爆發學運期問被學生佔領了幾個月,最後被警察清場而終,但從此安田講堂被荒廢了20年,直到1989年霍金來訪時才重開。
依家安田講堂亦都做緊裝修工程,要2015年底才重開。
安田講堂前就係銀杏大道,兩旁係古色古香嘅東大法學部
安田講堂前嘅銀杏大道正開始變黃
越向大門行就越黃
嚟到前面就黃晒咯。
又有人在寫生
東大嘅正門
睇完之後就沿住上野公園嘅不忍池行返上野站
約行20分鐘就到京成上野駅
今次搭京成本線去成田機場,最抵搭,行車時間約75分鐘,只需1030円咋(Skyliner嘅一半都唔洗)。
去到成田機場就即刻入閘,因為要去免稅店買嘢比芊芊同媽咪。
成手嘢,影到手震震添。
今次搭Hello kitty機
準備登機去台北啦。
留言列表