2015年4日8日,上次去關東睇完紅葉後,覺得去日本最好真係春、秋兩季去睇吓季節轉變之美,加上日元又跌咗好多,一於去玩吓啦!
今次搭CX 568去 11:30出發
出咗關西機場後就去JR旅遊辦事處換JR Pass(喺香港東X遊買咗先)。
我哋今次用関西+広島Pass,香港買13,000円,如果現場買就14,000円。
同時買埋ICOCA+Haruka咭,3,030円,ICOCA咭內有2,000円(按金500円),單程Haruka車票可以去大阪、京都、神戶都得,好抵用。
張ICOCA咭係紀念版,我用風神、雷神版,媽咪用Hello Kitty版
我哋今次喺天王寺駅出
一出駅就見到日本最高嘅大厦,樓高60層嘅近鐵阿部野ハルカス。
約行5分鐘就到我哋住嘅東横Inn天王寺酒店
D房同其他東横Inn差唔多啦
攞完房後就行去Jan Jan横丁
依條Jan Jan横丁係絛短短頗為殘舊嘅横巷仔,有D居酒屋、棋館之類,係行去通天閣嘅必經之路。
依間八重勝串燒店好好生意,排晒長龍
出咗Jan Jan橫丁就見到高103米嘅通天閣,意思係通上天上嘅樓閣,依一帶都有好多食店。
依個其實係第二代嘅通天閣,第一代係建於1912年,當時高64米,已經係曰本最高嘅建築物。不過二次大戰期間拆咗嚟鍊鋼,1956年才重建成依家個樣。
通天閣入面好多糖果店,多數都係固力果產品。
原來仲有Osaka banana喎
依個就係100年前嘅第一代通天閣嘅模型。
跟住搭電梯上展望台睇天王寺區夜景
電梯入面有福神「Billiken」喺天花板上
整紀念章嘅機,媽咪整咗個Hello Kitty章。
天王寺區夜景,前面黑咗嘅係天王寺動物園
睇完之後就行去恵美須駅搭地鐵去道頓堀,依道就係行去地鐵站嘅通天閣本通
搭地鐵喺日本橋駅出,喺地下街見到依間橫浜牛鍋善,媽咪話好似好正咁,一於試吓先。
媽咪叫咗個豚鍋,900円
我就叫咗個牛肉鍋,960円
真係好正,仲有得免費添飯架,係咁我唔客氣架嘞!
食飽就行上千日前商店街睇嘢
然後行去道頓堀
睇吓新一代嘅固力果人,依家換咗做LED大螢幕,即係大電視啦。不過我總係覺得舊嘅霓虹燈靚D。
臨走前媽咪喺難波依間甜品店買埋布甸做宵夜
留言列表