2015-04-09, 依間東横inn D早餐都係日式為主。
我覺得最好都係個味噌湯
食完早餐就搭近鐵去吉野山,我哋搭9:20急行,10:52到吉野
好彩今日都算好天,仲間中有陽光添
成個吉野駅都係賞櫻人潮
站外奈良巴士加開臨時巴士方便上山賞櫻
地圖顯示除咗巴士外,仲可以行路上山,下過我哋就等櫻花吊車。
成架吊車迫到好似沙甸魚咁,好彩只係企三分鐘啫
嘩,成個山都係人潮,旺過旺角
吉野山咁多日本人嚟睇,主要係因為山上面D櫻花生到漫山遍野都係,分別有下千本、中千本、上千本同奧千本,即係過千棵櫻花樹,由3月尾開到4月尾都有。仲有好多日本歴史事件亦在這裡發生,亦係世界文化遺產。
銅の鳥居
山上面嘅櫻花滿開
金峯山寺嘅仁王門正在維修,包住咗冇得睇
但係旁邊嘅櫻花都好靚
金峯山寺嘅藏王堂
睇完金峯山寺後就行去東南院,中途見到有烤魚,即刻買喺食吓先。
東南院係吉野山路上嘅一間小寺院,建於公元七世紀,最靚係個多寶塔。
本來多寶塔前面嘅枝垂櫻應該好靚,不過啱啱開完,冇咁靚咯
世界遺產,吉水神社
吉水神社前可以望到藏王堂,襯上滿開嘅櫻花,好靚。
啱啱一陣風吹來,見到「花吹雪」,正!
吉水神社,本身係日本最古老書院,日本的南北朝時期(1336-1392),後醍醐天皇帶同傳國三神器逃離京都,在這裡成立新朝庭,日本史稱為南朝,以抗衡室町幕府擁立的光明天皇(北朝),而這裡就係南朝嘅皇居。
「天莫空勾踐,時非無范蠡」,係當時武士兒島高德向南朝後醍醐天皇送上的詩句,即係話可以好似范蠡咁協助南朝復國。
吉水神社嘅本社
不過書院外正在維修,但仍可入內參觀。
後醍醐天皇的玉座
書院內亦展出源義經(日本戰神)的鎧甲,源義經因逃避同父異母兄長源瀨朝的追殺,曾經同老婆靜御前和家臣弁慶潛居於此。
也有展出靜御前的衣服
豐臣秀吉曾在這裏賞花,所以亦有展出豐臣秀吉的用品。
豐臣秀吉就喺依度睇完櫻花後,稱之為「絕色」。不過依家已經冇太陽,變咗「冇色」啦>.<
行完吉水神社後就繼續向山上行,路邊有間茶屋「弁慶」,應該係用來紀念源義經家臣弁慶嘅。
媽咪買櫻餅食
跟住行去睇中千本嘅景色
忽然出現咗一陣嘅陽光,不過話咁快就冇啦
行經中千本展望台,去坐吓食吓嘢啦
食完嘢就繼續行去上千本,沿途經過櫻の廣場,又有花睇
終於上到上千本啦
睇完上千本見又晏又冇陽光,就唔再上奧千本咯,就咁行世界文化遺產之路「大峯奧駈道」落山算啦。
離開吉野山前影番兩張相先
我哋搭返近鐵特急出阿部野橋,然後再轉地鐵出大阪造幣局睇夜櫻,今晚係第一晚開鑼,希望少D人啦。
去到天滿橋駅,已經有晒指示點去
沿途好多賞櫻嘅嘢賣,我哋買定D嘢,諗住入場一路賞櫻一路食,點知入到場先知,原來同平時公園賞櫻唔同,係冇位坐,同唔可以食嘢架。
行到入場仲有少少雨添,真掃慶。
不過依道D櫻花今日啱啱滿開,原來賞夜櫻又真係別有一番情趣嘅,但夜櫻有一個缺點就係太暗好難影相。
睇完之後就出場外臨時市場食嘢。
依罐櫻花啤酒好好飲
其實天滿橋旁嘅南天滿公園夜櫻都好靚吖。
留言列表