2022-11-11，今朝一早去行安井金比羅宮，途中經過建仁寺
建仁寺係臨濟宗建仁寺派大本山，山號「東山」。係鐮倉幕府第二代將軍源賴家於建仁二年(1202年)所創建，並授命自中國宋朝習得臨濟宗禪法後，學成歸國的榮西禪師為開山祖師，並以當時的年號「建仁」命名為「建仁寺」，亦係京都最古老嘅禪宗寺院。
建仁寺嘅法堂(拈華堂)，大殿天花上鑲有巨大嘅雙龍圖，不過我嚟得太早，未開門，冇得睇
三門
方丈
安井金比羅宮(又名斷緣神社)以斷惡緣、結良緣出名嘅神社，依個係正門參道上嘅石鳥居
拜殿
本殿
金比羅會館前面嘅「形代」授與所同緣切緣結石碑
貼滿「形代」(代替自身的紙)嘅緣切緣結石碑
參拜時將自己想斷離同希望嘅願望寫喺形代上，然後手持形代由石碑外面向裡面捐過，代表斷離惡運
之後再由石碑裏面向外面捐出嚟，代表再結新善緣
再將形代貼喺石碑上，儀式就完成啦，不過個窿其實好細，我都捐得幾辛苦。
唔想捐窿亦都可以將願望寫喺繪馬上
側門嘅鳥居⛩️
跟住返酒店食完早餐，攞埋行李就嚟京都站搭車去鳥取，再見啦京都塔
搭去鳥取嘅火車「特急スーパーはくと3号」
約3個鐘就去到鳥取駅
本來諗住將行李放喺車站locker度，點知佢啲locker full曬，我就攞咗過去對面長途車站嘅locker度擺
喺0號月台等巴士去鳥取砂丘
大約20分鐘就到咗鳥取砂丘巴士總站
依間係今年8月新開嘅「タカハマカフェ」即係Takahama Café，係日本大師級建築師隈研吾嘅最新作品，同佢過往嘅作品一樣，主要都係木材建築。
買兩個午餐上去樓上食
二樓室內用餐位，對住對面嘅鳥取砂丘食嘢
食完之後就再上三樓露天觀景台睇景，本來依度都可以食嘢，不過就有啲大風同凍囉
依度除咗可以望到鳥取砂丘之外，仲可以望埋遠處嘅日本海
食飽之後就行過對面嘅鳥取砂丘國立公園入口
鳥取砂丘有逾十萬年的歷史。千代川將中國地區山地附近的沉澱物沖到日本海。而強大的洋流在海風的作用下，會將沉澱物重帶回岸上，進而形成砂丘。猛烈的海風常年吹打，持續推動並重塑砂丘的形狀。一千多年來，沙積物已經形成了一個 30 平方公里的金色景點，沿著海岸延綿將近 16 公里，部分砂丘甚至高達 50 米。(資料來自日本觀光局)
面向日本海嗰一邊，因為較少人行，所以砂丘上仲見到啲波浪紋嘅沙
喺砂丘嘅旁邊，有人用沙包堆疊咗一條通道，可以行落去海邊
媽咪坐喺海邊睇洶湧澎湃嘅日本海波濤
搭吊車嘅時候，自動攝影機同我哋影咗張搭吊車嘅相，上到去見晴之丘嘅時候，就已經印咗出嚟。媽咪話見幾靚買咗佢啦
見晴之丘其實係喺鳥取砂丘旁邊嘅一個山頭上面嘅商場，入面有啲旅遊記念品同手信之類嘅嘢賣。同埋有一個展望台可以望到鳥取砂丘，不過其實都隔好遠吓，前面仲有好多樹木所以其實睇得唔係太清楚
之後就返去巴士站等車返鳥取站
返到鳥取站見仲有時間(等去米子嘅火車)，行下附近啲商場
買咗鳥取縣嘅名產「梨」
大約一個鐘頭多啲就到咗米子駅，呢個係車站外面嘅裝飾叫做米子合掌，佢會不停咁變色，但我就覺得佢似扇貝多啲
我哋今次住車站對面嘅東橫Inn(呢張係第二日影嘅相)
房間同平時嘅東横Inn冇乜分別
擺低行李之後就出去食嘢，我哋今晚去咗酒店附近呢間「三代目鳥メロ 米子駅前店」。喺東橫inn攞咗張coupon有得九五折找數。
呢間主要都係食串燒
火炙鲭鱼
仲有壽喜燒
日本啲生啤特別好飲，喺日本食嘢由其是係食烤肉，通常我都會叫嚟飲
食完之後行路返酒店，附近啲銀杏樹葉黃得好靚，仲滿地落葉添
留言列表
