2011-08-08,琴晚較錯鬧鐘,今日瞓到成9點先起身,之後拿拿臨搭都營大江戶線去築地市場食嘢。出門口時响太子酒店前影返張相先!
築地市場係日本最大嘅海產批發市場,每日早上5點就開始交易,D買手就嚟入貨,所以依處D魚生最新鮮。
30件壽司都係賣¥2500,有D仲賣¥2000咋,不過我唔食生嘢,媽咪驚兩個人食唔晒,所以都後睇吓先!
依間排長龍嘅『壽司大』就係內市場最好生意嘅一間!
睇咗陣都搵到啱我食嘅嘢,跟住我哋就行去築地外市場再搵食!
由芊芊睇吓依間D嘢啱唔啱食先!
最後搵咗右邊嗰間『菅野商店』開餐。
魚生飯嚟啦,有得食啦!
魚生我就唔啱食嘞,我就去番我食開嗰間『井上』,食佢獨沽一味嘅中華叉燒拉麵。今次嚟見佢哋發大嚟做,仲攞埋隔離間舖,唔洗D人企响門口食(我上次咁)!
其實日本嘅中華叉燒唔同我哋食開嘅叉燒,只係一嚿豬肉切開一片片啫!
都係嗰個老板煮麵,不過比上次(2004年)老咗囉!
但依碗麵一樣仲咁好味!
食完之後就繼續行吓、睇吓咁啦!
築地仲係東京都第二大蔬果批發市場。
睇完之後行去『波除神社』。
波除神社內有很多海老塚、玉子塚等等......佢哋上面都有綁上『注連繩』同『紙垂』,但芊芊就話依D叫做『結界』,要嚟壓住D妖怪之用!
波除神社的巫女。
睇完之後行番落地鐵站,站內有兩幅大浮世繪壁畫。
搭番大江戶線去赤羽橋站出,行去東京鐵塔。
我哋首先上150M展望台睇吓,都算好天吖,望到東京大部分地方。
我哋仲行上塊大玻璃道,睇吓下面D人仔、車仔!
我哋食住雪糕等搭電梯再上250M展望台。
終於上到250M展望台嘞,連東京灣港區D船仔到睇埋!
東京灣彩虹橋&後面嘅台場。
東京鐵塔前面嘅『芝公園』。
仲見到有D學生練緊步操添。
留言列表