2023-6-24，今朝落街影吓我哋住嘅黑足民宿先，依度係正門。
依度係後門同停車場，橙色窗框嗰間房就係我哋住嗰間。
前面就係富岡漁港嘅防波堤
媽咪同皓怡喺依間早點來見面食蛋餅做早餐
跟住行去咐近嘅富岡海神廟睇吓
富岡海神廟係供奉如意娘娘
依間係富岡漁港嘅海巡署
富岡漁港渡船售票處，我哋訂嘅民宿已經同我哋訂埋去綠島嘅船飛，但都要憑證件喺依度攞飛。
售票大堂
喺售票處出面有啲攤檔，有我鍾意食嘅台灣香腸賣。
我叫咗件大腸包小腸
富岡漁港高高嘅防波堤，咁高可能要嚟防海嘯。
漁港內嘅船塢，有一段將船拖上水面維修嘅路軌，我覺得有啲似千與千尋電影中嘅水中路軌。
我哋搭9點去綠島嘅船，船名係凱旋3號。
來回程嘅船飛
船程大約50分鐘，就到咗綠島，上岸之後有人攞住民宿名稱嘅牌接我哋去搭接駁車。
民宿好近碼頭，唔使5分鐘就到啦。
我哋今晚住嘅民宿叫島隱，位置唔錯，近碼頭同大街，做乜都好方便。但間屋又縮咗入山邊，唔會嘈。
我哋今晚住嘅嘅房間
廁所連浴室，不過最唔好係乾濕不分離，一沖涼就或個廁所地面會濕晒(即使拉咗浴簾)。
我哋房間窗口望出去嘅景。
跟住出去行吓，一出去就係南寮海堤，今日天氣一流，影相好靚。
然後就行去郵局㩒機攞錢，便利店冇得攞。
綠島得一條路，依幾日係台灣連假，人多車多。
我哋去咗間叫創意廚房-夏綠地嘅餐廳食午餐。
食完嘢之後就返民宿，換泳衣去玩體驗潛水，我喺Klook訂咗依間海灣潛水中心
首先我哋聽教練講解，其中一位教練仲係識廣東話，聽完講解之後簽份健康申報書，跟住就換潛水衣出發。因為皓怡有潛水牌可以着蛙鞋去潛，我就冇潛水牌，教練話全程俾佢捉住潛就得㗎啦。
教練車我哋去石朗潛水區
落水前教練同我哋影返張相
落水後教練同我哋再影相
水底嘅世界好靚，原來啲魚原來係唔驚人，同佢哋玩都唔會走。同埋啲海葵係會吸住人嘅手指。
綠島體驗潛水與珊瑚
啲小丑魚喺海葵叢中游嚟游去，唔肯走。
潛潛吓遇上綠海龜
潛水遇上綠海龜嘅影片
石朗潛水區嘅海底，依個係海底愛心，專俾潛水嘅人打卡。
海馬郵筒位於11.5米深嘅海底，係世界最深海底郵筒，我哋都有喺度寄明信片㗎。不過我喺度諗：郵差點樣嚟收件呢？
潛完之後仲有張證書俾返我哋。
行去燈塔途中有張大理石枱
烏油窟~喺燈塔下面嘅小水池。此處景點附近是礁石海岸，因為退潮時海水被環狀礁石阻擋而無法流出，於是形成一個小水池。與「烏油窟」名字的意象大相逕庭，這裡除了擁有潮間帶的特性之外，還因為類似潟湖地形，水池平靜無波，不時閃耀著藍綠色寶石般的光澤，十分美麗。(引用自台東觀光旅遊網)。
行落去烏油窟影吓相
烏油窟池底有好多螺仔(大部份係寄生螺)。
去到綠島燈塔啦
綠島燈塔興建於日治時期昭和十四年(1939)，但二次世界大戰期間，塔燈遭受盟軍炸毀，現時嘅燈塔係1948年復修，高33.3公尺。
燈塔大樓基本不對外開放，只可喺旁邊影吓相。
睇完就行返去大街，去咗依間出名嘅大漠漢堡食晚餐。
漢堡包好足料，好好味。
食完大漠漢堡之後就去食刨冰，我哋幫趁小叮噹黑糖海草冰。
留言列表
