2023-6-25,今朝去咗民宿隔離嘅晨鄉早餐食早餐。
本來諗住9:00去玩半潛艇,點知民宿個老闆book錯咗2位,好彩現場可以即時改為9:30,唯有出去行半個鐘先返嚟啦。
行去附近嘅石朗潛水區(即係我哋琴日玩潛水嗰度)睇吓啦。
原來咁早都已經有人玩潛水。
海上面有艘船,就係我哋一陣要玩嘅半潛艇,原來佢都喺依度睇珊瑚同魚。
睇咗一陣就返去碼頭搭半潛艇啦。
半潛艇嘅船艙,以前我哋都喺沖繩玩過,隻窗係方形,比依度大塊少少啦。
艘船開咗約5分鐘就停低俾我哋睇珊瑚同魚。
睇完魚之後,喺碼頭度有人拉生意,問我哋包唔包車玩環島?NT$2500包4個鐘,好啦都玩得過吖。
第一站去綠島監獄
依個監獄依家仲有囚犯服刑,我仲以為綠島監獄已成歷史添。
跟住參觀白色恐怖綠島紀念園區,依度係國民黨威權統治時期嘅監獄,其間大量政治犯或者對當時當權者有異見嘅人被關柙在此。
依度係園區嘅人權紀念廣場同人權紀念碑
依幾嚿係三峰岩
依個係將軍岩,後面係牛頭山
園區前面有個公館漁港,見咁多氧氣筒喺度,應該都有人玩潛水。
綠洲山莊,個名就好聽,咪又係政治犯監獄。
依家叫做國家人權博物館。
喺博物館前面個山度,刻咗「滅共復國」四個字,應該都係以前戒嚴時期刻落。
博物館內進行緊個「綠島人權藝術季」嘅展覽
館內嘅展板,描述綠島監獄同白色恐怖時期嘅歷史。
監獄嘅營房
營房內一啲藝術佈置
營內嘅間隔同香港嘅大館差唔多。
再行過啲嘅新生訓導處時期第三大隊展示區
木做嘅營房
營房前面有一排木柱,唔知係咪用嚟處罰唔聽話嘅囚犯。
營房內每天都要上政治課,要令唔聽話嘅人變「乖」。
營房內嘅真實情況(蠟像)。
見到依啲嘢,以前會覺得好遙遠,但依家已經日日都聽到咁。
跟住行上
皓怡行到上山頂
行咗上牛頭山山頂,望落去下面嘅海岸線,仲有遠處嘅將軍岩同三峰岩。
海水好藍好清
行小長城步道去觀海亭,睇海參坪海灣。
海參坪係位於綠島東部海岸嘅海灣
依個位睇到嘅海參坪上面係哈巴狗岩同睡美人岩,下面嘅係仙人疊石
仙人疊石咐近啲海水好清,據說有啲人鍾意喺依度玩跳水。
喺觀海亭望外另一邊係柚子湖,而「湖」字其實是閩南語「澳」字嘅變音,即係海灣哨解。
依度有藍洞同彎弓洞等潛水秘境。
依度係大白沙潛水區
大白沙潛水區係綠島最大嘅沙灘,位於島嶼的西南端,長達數百公尺的白色沙灘是其特色,為綠島三大潛水區之一。
睇完就車返我哋去大街食午餐,我哋今次食㱚園夫婦。
我哋食咖哩飯
我食咖哩鹿肉飯,個白飯形狀係台灣島。
媽咪同皓怡食炸白蝦咖哩飯
小食係台灣香腸,全部嘢都好好味,嚟綠島一定要食。
食完飯皓怡走去買珍珠奶茶
等車嘅時候又上南寮海堤睇吓海
之後司機車我哋返民宿攞行李,然後去碼頭搭船返台東,結束我哋兩日一夜嘅綠島遊。
喺富岡漁港上岸後,見到有的士,即刻上車去台東車站。
喺車站旁邊有個荷花池,又幾靚喎。
車站廣場有嘢睇,有嘢買。
我哋買咗盒芒果返香港,NT$400有6個,好香好甜又好味。
見未夠鐘搭火車,行去咐近嘅卑南遺址公園睇吓。
睇完就搭自強號返高雄
火車行到去屏東見到日落
返到高雄就搭捷運去高雄巨蛋食嘢。
食完嘢就坐返捷運返美麗島站,返去前兩日住過嘅喜悅酒店。
留言列表