hkt222976的部落格

2023-6-25，今朝食完早餐就去搭輕軌，依個站係「愛河之心」站。

前幾日喺駁二睇過，不過冇搭到，今日終於搭到啦，感覺同香港嘅輕鐵差唔多(技術上香港用高壓電，台灣用超級電容蓄電池)。

我本來想搭依段啱啱喺2022年10月開通嘅路段睇龍貓隧道，點知依架車望去駕駛室個位竟然攞咗嚟賣廣告，冇得睇。睇吓一陣間搭返轉頭車有冇得睇啦。

搭咗約十分鐘就穿過咗龍貓隧道，到咗「內惟藝術中心」站。

落咗車去影吓龍貓隧道先，龍貓隧道其實係高雄輕軌介乎於美術館站同內惟藝術中心嘅路段，因為車軌兩旁都係大樹，經過時有如經過宮崎駿電影龍貓嘅場景一樣，被稱為全台最美輕軌路段。

等下一班車經過時影吓

行前啲再影吓

影完就搭返輕軌返愛河之心，再轉捷運去高雄巨蛋

回程時影到過龍貓隧道嘅情況

到咗去高雄巨蛋啦！

我哋去食鼎泰豐，不過好多人排隊。

大約排咗半個鐘就有位，食完就叫多個外賣俾皓怡，佢啱啱放學趕唔切嚟食。

皓怡喺機場送機兼拎外賣。

拜拜啦，下次嚟可能要皓怡碩士畢業先嚟啦。

我哋搭UO 133 KHH 15:00→HKG 16:25