2016年5月29日,今朝繼續用48hr交通咭搭地鐵去Schönbrunn站, 去睇美泉宮/熊布倫宮(Schönbrunn Palace)
美泉宮這裏原本係森林,17世紀初,當時神聖羅馬帝國皇帝在馬蒂亞斯這裏打獵畤,發現有一股泉水,好好飲,於是命名為美泉。到18世紀中奧地利女皇瑪麗亞·特蕾莎在這裏興建夏宮,叫做美泉宮,現時係世界文化遺產。
美泉宮嘅玫瑰花園
美泉宮最出名就係房多,共有1441間,現時開放比人參觀約有40間
美泉宮花園中間就係海王噴泉(Neptunbrunnen),最高處係凱旋門(Gloriette)
海王噴泉(Neptunbrunnen)
行上高位可睇到美泉宮嘅花園全景
凱旋門(Gloriette)
美泉宮内仍保留有一小片森林
行完美泉宮就落返Schönbrunn地鐵站,搭地鐵去Stadtpark站,去行市立公園
市立公園(Stadtpark)本來係一個普通公園,只因為公園內豎立了幾個音樂家嘅雕塑,所以好多人慕名(包括我)嚟參觀
最出名係小約翰·史特勞斯
仲有舒伯特
公園內有架好的骰嘅咖啡車,好得意。諗起香港D官話要60萬一架嘅小食車先合資格發牌,真係好笑
跟住又坐地鐵去百水公寓,路上見到維也納D無人報紙檔,係喺街邊D燈柱度,自己入錢然後自己攞一份
百水公寓(Hundertwasserhaus)係奧地利藝術家Friedensreich Hundertwasser(百水先生)嘅作品,佢設計嘅嘢特點係冇直線,色彩豐富同環保概念。有人話佢係奧地利20世紀末期最有名嘅藝術家,不過藝術嘅嘢梗係有人鍾意有人唔鍾意架啦。1977年維也納市長邀請佢設計一,即係依間百水公寓嘞。
間屋外形真係好靚,不過我覺得D樹大咗會唔會撐爛間屋?室內冇直線,D傢俬咪好難擺?
依度就係公屋嘅門口,不過有個牌寫住,係住宅,勿參觀。因為以前成日有遊客撳鐘話想參觀佢哋間屋,D住客不勝其煩,最後咪掛個牌出嚟囉
不過如果想睇吓一間冇直線嘅屋,就可以行去佢對面個間小型商場,入面嘅設計就係模仿百水公寓架嘞
睇完百水公寓就出返聖士提反廣場,我哋嚟係想買音樂會飛,因為我覺得一場嚟到音樂之都,點都要睇番場「番鬼佬大戲」嘅。琴晚我哋經過依度,見到好多音樂會sales拉客。今日嚟到一出地鐵站就有條鬼仔捉住皓怡係咁sale(右下角),佢話一次過可以聽晒莫札特、貝多芬、舒佰特......嘅名曲,佢哋間音樂廳係古蹟嚟架,莫札特都喺度表演過架......,又話見皓怡係學生所以連我都可以用學生價買飛,最後29歐一張成交。
今日天氣都唔差,影聖士提反教堂一流
教堂入面望緊彌撒,我喺後面影兩張相算嘞
跟住行去賀夫堡皇宮,途中又經過黑死病紀念柱
維也納賀夫堡皇宮(Hofburg Wien)係奧地利哈布斯堡(Habsburg)王朝嘅皇宮,始建於13世紀,之後不斷增建同改建,直到第一次世界大戰奧匈帝國解體為止
皇宮博物館的入口,要比錢冇入去
皇宮所守護神係海格力斯
如果唔想行可以坐馬車遊皇宮
守護國會大樓係雅典娜
國會大樓外有一組交通燈好特別,係手拖手嘅綠公仔
睇完國會大樓,就搭電車去維也納中央公墓(Wiener Zentralfriedhof)
我哋係去32A區嘅音樂家墓園區
放正中間係莫札特紀念碑(唔係墓穴)
旁邊係貝多芬墓
舒佰特墓
小約翰史特勞斯墓
布拉姆斯墓
老約翰·史特勞斯
睇完之後就坐電車返賀夫堡皇宮
賀夫堡皇宮花園有個大音樂符號,係紀念莫札特,我覺得維也納都係靠莫札特揾食,度度都係賣係D紀念品、音樂劇、朱古力......
又係莫札特紀念碑
皇宮花園後面係阿爾貝蒂娜博物館(Albertina),館內收藏了大量嘅版畫,依家展出莫奈同畢加索,不過藝術嘅嘢我邊識睇吖,所以行過就算
天氣好熱,入去麥當勞食嘢同嘆冷氣
今晚8點嘅音樂會飛
食完都係6點,仲好光,又未開場,,咪又行吓去聖士提反廣場囉
見到有班敘利亞難民帶住支敘利亞自由軍嘅旗嚟示威
又話俄羅斯殺佢哋D細路,梗係驚比人遣返啦,等D西方國家收留佢哋吖嘛
未夠鐘聽音樂會,行嚟約瑟夫廣場(Josefsplatz),順使揾吓間Palais Pálffy劇院先,原來仲賣緊飛喎
約瑟夫廣場(Josefsplatz),係紀念奧匈帝國嘅開國皇帝約瑟夫一世(Franz Josef I),廣場中嘅銅騎馬像就係佢,佢在位68年,係史上最長執政嘅皇帝之一,佢勤政愛民,深得奧地利人民愛戴,可惜佢惡運纏身,身邊親人、皇儲一個個死於非命,死後帝國土崩瓦解,哈布斯堡皇朝正式告終
約瑟夫廣場後面嘅建築物以前係賀夫堡皇宮嘅一部分,現時係奧地利國家圖書館,外牆嘅雕塑好靚
賀夫堡皇宮對面嘅 聖米高教堂 St. Michael Church
賀夫堡皇宮嘅珍貴館,收藏有哈布斯堡王朝和神聖羅馬帝國的皇冠及權杖
珍貴館前嘅廣場叫英雄廣場(Heldenplatz)同隔籬嘅人民公園(Volksgarten),係維也納市民嘅休憩地方
人民公園(Volksgarten)
人民公園後面係市政廳Rathaus,不過我哋見差唔多夠鐘睇音樂會,所以冇行過去
8點鐘去Palais Pálffy睇音樂會,原來整個音樂會有管樂、弦樂、唱歌劇、芭蕾舞嘅表演,總之乜都有D啦,雖然佢哋唱乜我就唔識聽,但演奏D樂曲有好多都聽過吓。一場嚟到音樂之都,點都要附庸風雅嘅
個廳擺咗個莫札特雕像出嚟
聽完臨走前影番張相先
搭地鐵前皓怡話要食返杯雪糕先
留言列表