2016年5月28日，今次間酒店唔包早餐，惟有自己搞惦
食完公仔麵，就行去火車站搭火車去斯洛伐克嘅首都：布拉提斯拉瓦(Bratislava)
沿途好多虞美人花(poppy)，即係香港同英聯邦國家每年11月國殤紀念日都會配戴嘅花，我嚟到歐洲先知原來虞美人花咁普遍，我去咁多個國家路邊都有。
大約一個鐘就到咗布拉提斯拉瓦火車站，我覺得作為一個首都火車站，有D殘舊同細囉
布拉提斯拉瓦市內好多舊建築物，好靚
斯洛伐克嘅總統府(Grassalkovich Palace/Prezidentský palác)
成個總統府都唔見有守衛，得個大閘，，可能依度D人太和平啦，1992年全民公投同捷克分離成兩個獨立國家，都冇任何過激行為，被稱為「天鵝絨分離」(Velvet Divorce)。捷克亦冇話「斯洛伐克自古以來已是捷克不可分離的一部分」，甚至布拉提斯拉瓦係世界上唯一與兩個國家(奧地利、匈牙利)直接接壤的首都，好似冇諗過會比人襲擊咁
總統府花園
行完總統府就行上布拉提斯拉瓦堡，途中經過聖三一教堂(Trinity Church)
仲有聖士提反教堂(Kostol svätého Štefana/Church of St. Stephen)
途中見到UFO橋
行到上布拉提斯拉瓦堡(Bratislava Castle)啦
布拉提斯拉瓦堡始建於九世紀，但於19世紀初被拿破崙攻陷後逐漸荒廢，現時的城堡係1956-1964年間重建而成
城堡上可以望到多瑙河同UFO橋
城堡嘅內部依家係博物館
舊水井
亦有人影婚紗相
城堡嘅角樓
之後行去城堡下面嘅花園，似度可以見到舊城區同聖馬丁主教座堂(St. Martin's Cathedral)
依張自拍照入咗光添
花園度有個斯洛伐克食品節，好多嘢食
有得食仲有得玩添
我哋買咗半隻烤雞食
再食雪條
食完就落山，行去UFO橋
條橋正式名稱係斯洛伐克民族起義大橋，聽個名都知係共產時期嘅產品啦，佢係一條斜拉橋，全長430.8米，闊21米，橫跨多瑙河。橋上有一個觀景台，高95米，外形似UFO，所以D人叫佢做UFO橋，觀景台上可睇到布拉提斯拉瓦全景。條橋上層行車，下層行人，不過近睇好殘。
橋嘅行人路可以望到布拉提斯拉瓦堡
多瑙河上嘅快艇
UFO觀景台高95米，可以睇到布拉提斯拉瓦市全景
布拉提斯拉瓦堡
觀景台上嘅欄杆，D人又扣D同心鎖喺度，歐洲好興扣鎖，賣鎖咪發達？
觀景台嘅餐廳，不過唔係旋轉吖
最過癮係依個廁所，可以對住個「大地在我脚下」嘅靚景嚟屙，同我一齊個鬼佬都話影番張相先走，仲笑到收唔到聲添
喺觀景台望到依個好靚嘅商場Aupark Shopping Center，我哋都想買D夏天衫，行過嚟睇吓先
商場外面有個兒童遊樂場
我哋喺依間Terranova買衫，依間D衫好平，有D似Uniqlo
買完衫就行返去舊城區，首先係去聖馬丁主教座堂(St. Martin's Cathedral, Bratislava)，依間教堂始建於1452年，係布拉提斯拉瓦最大同最古老教堂，好多匈牙利國王亦在此舉行加冕典禮
啱啱有人喺度結婚
聖馬丁教堂旁嘅布拉提斯拉瓦舊城牆
舊城區嘅建築物古色古香
舊市政廳廣場
廣場上嘅Napoleon's Army Soldier雕像
其實成個布拉提斯拉瓦市都有好多雕塑像，依個就叫做Man at Work
依個叫Schöne Nác？唔知點解？
米高門Michael's Gate，布拉提斯拉瓦舊城區最古老嘅城門，始建於14世紀，現時這個修建於1758年
斯洛伐克國家劇院Slovak National Theatre
喺劇院廣場上竟然有人練法輪功
大主教宮(Primatial Palace)，1778年興建時係大主教的宮殿，現時係市長辦公室
今日我估係好日子，見到好多人結婚
喺大主教宮對面有兩架復古單車比人影相
除咗雕像之外，布拉提斯拉瓦都有D街頭賣藝者
依個係郵筒，不過今日係星期日，買唔到郵票，所以買咗明信片都要攞返去維也納寄
玩咗一日就搭返火車返維也納
返到維也納中央火車站就買48小時飛，然後搭地鐵去Stephansplatz站，一出嚟就係聖士提反座堂(St. Stephen’s Cathedral)
廣場上嘅黑死病紀念柱(Pestsäule)
行埋去隔籬嘅聖彼得教堂Katholische Kirche St. Peter
之後去Lohmann's Alt Wiener Restaurant食晚餐
塊炸豬扒大過我塊面！不過乾身咗D
留言列表
