2023-6-23，今朝喺酒店食早餐，都係啲大路嘢，味就一般，總之就食得飽啦。
食完早餐就退房，行去高雄車站。經過附近一間理髮店~彩瑄髮妝美睫，前面有對天使之翼，幾得意吖影吓佢啦。
瑞源橋，橫跨幸福川，橋上面有啲裝置又影吓囉。
過咗橋之後，沿着幸福川嘅河邊行。
雖然今日都幾晒，但喺有樹陰嘅河邊慢慢行都幾舒服吖。
大約行15分鐘就去到高雄車站，呢個站嘅上蓋仲係興建中，而火車線已經地下化咗。
高雄車站嘅大堂天花
我哋約咗皓怡喺依度等
去台東嘅車飛就要一個月前上網訂，開車前去火車站攞。台東嘅交通都幾麻煩，除咗自己揸車，就只有火車。
我哋搭自強號去台東，車程大約兩個鐘。
火車過咗屏東縣之後就係台東縣，火車沿住東部太平洋海岸行，沿途望海天一色嘅太平洋，媲美沖繩藍嘅台東藍。
兩個鐘就到咗台東站，跟住行出車站搵我訂咗嘅包車，今次搵嘅係中港國際租車，因為我嘅行程包括埋山線同海線，11:30到19:00，價錢NT$5,200。
司機大哥叫柯先生，係一個老實嘅當地人，首先載我哋去食嘢先，經過市郊嘅茄苳樹綠色隧道
午餐地點係神奇牛肉麵 (初鹿)，門口個招牌好似係龍貓等貓巴士個巴士站。
啲牛肉都幾好食，只係啲麵粗身咗啲囉。
嗰燙青菜係番薯葉
食完嘢就去鹿野龍田睇鹿野神社，鹿野神社係台灣日治時期嘅神社，主祭神係開拓三神(大國魂命、少彥名命、大己貴命)及北白川宮能久親王。戰後神社被拆，僅留下基座。2014年時為了恢復龍田村歷史風貌，以日本檜木由日籍匠師技術指導嘅合作模式重建鹿野神社，但現時神社內並未供奉日本神明。
手水舍改為許願池
同鹿野神社一齊嘅龍田崑慈堂，1960年，崑慈堂草創之初，當時尚未出家嘅證嚴法師曾隨師父在此掛單修行三個月。
崑慈堂主要供奉瑤池金母，但亦有供奉佛祖、觀音菩薩等神明。
崑慈堂內供奉嘅土地公，最神奇嘅係土地公嘅鬍鬚會不斷生長，而家已經長到落晒地下度！
跟住就去睇埋附近嘅龍田綠色隧道，龍田綠色隧道全長1公里，道路兩旁種滿大樹，即使外面陽光猛烈，入面都好舒服。
喺綠色隧道側邊嘅係龍田大草坪，而家做咗滑翔傘嘅降落埸
呢個雕塑叫做祝福，係一位台灣原住民藝術家嘅作品。
去池上伯朗大道，因為伯朗咖啡曾經喺依度拍過一條廣告片而聞名。
池上鄉係著名嘅稻米出產地，今次我都買咗一包2.2KG返香港
不過有部份水稻已經收割咗，令到稻田睇落真係青黃不接。
伯朗大道上嘅金城武樹，依棵樹係茄苳樹，喺台東好普遍，只係因為金城武曾經喺依度拍遇一個長榮航空嘅廣告而聞名。
金城武樹曾於2014年被颱風吹倒，後來將佢扶正同樹藝師治療後，又再迄立起來，不過多咗幾條纜索囉。
其實喺伯朗大道上都有幾棵茄苳樹，形態上都好靚。只不過無明星效應，而無乜人影相。
我哋就係租咗依款四人電動單車慢遊伯朗大道。
天堂之路
排天堂之路韆鞦影相，排咗差唔多20分鐘先影到。依個位下午背光，如果上午影應該會好啲。
睇完伯朗大道，就生返包車去富岡漁港咐近嘅小野柳，不過都要坐成個半鐘㗎。
小野柳正式名稱係富岡地質公園，地質上佢係一個上升咗嘅珊瑚礁，同新北市嘅野柳有少少相似，所以啲人叫佢做小野柳。
有對小情侶行到最出去睇浪
依兩隻雀都係用廢棄嘅火車軌枕木做成嘅。
睇完之後，司機就車我哋去今晚住嘅民宿~黑足民宿。
民宿都好正常，我哋要海景4人房，有兩張雙人床，浴室連洗手間，仲有一個小露台。不過冇早餐提供。
我哋放低行李之後就去食晚餐，我哋去司機介紹嘅特選餐廳食晚餐。
依間餐廳啲食物唔係貴，但幾款食物味道就差唔多，只係一般貨色，而且服務態度唔得。如果再嚟應該去食美娥海產餐廳。
留言列表
