close
2008年7月13日,今日主要行程係去台北動物園和搭貓空纜車。第一站就係動物園,可以拍悠遊卡入場添。
園內有一片人工濕地,都有好多動物棲息架!
濕地旁有很多小昆蟲影,唔係好怕人,慢慢影都得!每年仲有蜻蜓攝影比賽添!
跟住去睇樹熊(台灣叫無尾熊),不過佢地好懶,成日伏响樹道,好難影到佢地正面
動物園內有很多義工當講解員,向遊客介紹每種動物的習性,很有心思
然後去參觀羊鴕,同埋參加喂佢哋嘅體驗活動,首先係羊鴕生態和習性介紹,當天天氣很熱,動物園安排灑水氣降溫,好舒服呀!如果香港海洋公園又有就好啦
聽完講解後就派紅蘿蔔條去喂羊鴕啦
皓怡同皓芊伸長隻手去喂佢哋,不過可能天氣太晒,D羊鴕都唔係好食,只係食咗芊芊喂嗰幾條,就走去樹陰道唔再出嚟!
跟住搭遊園車去睇企鵝
企鵝館外有大、小企鵝的模型
企鵝館內的企鵝肥嘟嘟,好可愛呀!不過隔住塊玻璃好難影!
響企鵝館側邊就有青蛙展,較特別嘅有成呎長嘅『牛蛙』同樹葉咁色嘅『樹蛙』
跟住去搭貓空纜車,不過真係好曬好辛苦,兩個女話眼都睜唔開喎
終於上到貓空站嘞,我哋响站入面食嘢,有冷氣舒服晒!
響貓空山上搭遊園公車行山頂一圈,然後就落山啦!
響纜車站內買粟米燒,有D似香港嘅雞蛋仔,不過好香粟米味同好好味
由纜車站行返捷運站,只需幾分鐘,不過真係好熱,飲西瓜汁最正!
跟住搭捷運返酒店沖返個凍水涼然後再去士林夜市食返餐
又有好好味嘅『豪大大雞排』,一樣咁多人排隊,但一樣咁好味!
我哋食花枝羹同蚵仔煎,不過現場好熱好辛苦,食完後速速走人!
芊芊玩釣蝦,又比佢釣到幾隻,跟住可以用嚟鹽燒添,仲好好味喎!
文章標籤
全站熱搜
留言列表