close
2008-7-12今日行程主要係九份同金瓜石
第一件事就係搭捷運去台北車站搭火車,去到捷運站先買張悠遊卡,即係台版八達通,不過主要係搭車用,買野就未用得。
跟住就搭火車去瑞芳然後再轉巴士去九份,可能係星期六所以架火車就非常多人,好似以前返大陸迫火車一樣,好在架火車有冷氣,唔係就慘囉!响架車道有 個台灣妹好搞笑咁話想『馬上死』!不過台灣人真係好有禮貌,雖然架車迫到沙甸魚咁,當有人想去廁所D人都擠在一旁比佢過,冇話鬧人仲好好笑容添。
大半個鐘頭,終於到達瑞芳火車站,好壞舊呀
再轉巴士(又係企位)去到九份
倆個女又熱又攰,即刻食雪糕刨冰先!
跟住就發覺支17-85鏡頭死咗,仲攪到部相機都幾乎死埋!以後全程差唔多用晒支魚眼同部DC仔嘞,好慘呀!
然後行下睇吓啦!
跟住影D懷舊相啦
然後搭車去金瓜石
這個海面有兩節色所以叫陰陽海
在行去黃金博物園的路上有一隻奄奄一息的大蜻蜓,差不多有成人手掌咁大隻!
跟住參觀黃金博物館,內有一舊全球最大塊的金磚,重220.3KG,可以伸手摸下嫁
日治時期留低的黃金神社,還有鳥居
跟住參加淘金體驗,先攞一碟金礦碎沙
然後响水道搖呀搖、淘呀淘......
有啦、有啦、有D金色嘅碎石粒啦!
跟住用樽仔入起D戰利品『金沙』嘞!
台劇『轉角遇到愛』的拍攝場地原來就在黃金博物園內,有好多Fans 在門外等參觀,我哋就冇入去睇但芊芊話要影返張相留念喎!
跟住响金瓜石搭巴士返台北,全程有位坐舒服好多!夜晚响台北車站旁的新光三越地下Food Court食蚵仔煎同牛肉麵(貪佢有冷氣),然後返酒店瞓覺啦(真係好攰)!
文章標籤
全站熱搜
留言列表