2023-2-14，今朝去來宮神社，經過熱海七湯之一嘅「野中の湯」
行咗大約15分鐘就到來宮神社
神社前面有個自拍架，我上次(2017年嚟嘅時候已經有，我覺得依間神社却幾為遊客/參拜者着想
我都用吓先
神社嘅參道兩旁種滿竹樹，夏天會好清涼
神社內嘅攝末社～來宮稲荷社
末社七社，係昭和7年(1932)因火災燒失嘅神社內攝末社，於令和4年(2022)重建，七社分別係：小童社、秋葉社、神武天皇社、八坂神社、雷電社、床浦社、柿本社。
另一間攝末社～三峯社
傳說始建於和銅3年(710年)嘅來宮神社，已經有1300年曆史，依個係本殿。
神社啲人好有心，將落葉掃成心形。
跟住沿「楠への小路」行去神社後面睇樹齢有2100年以上嘅大楠(樟樹)，2017年嚟嘅時候，條路仲係碎石路，而家已經鋪設咗矽藻土，好行好多。
神社內嘅大楠(樟樹)，樹齢超過2100年，係日本國指定天然記念物。
神社內仲有一棵樹齢1300年嘅第二大楠
「大楠･五色の杜」係大㭵樹後面嘅休息地方，可以坐低飲茶，食個小食。場內仲有個小舞台，可以俾喺神社舉行完神前結婚式嘅新人做露天宴會場地。
平時入場免費，梅祭期間(通常1-2月)每人300円，住宿熱海酒店者100円
熱海梅園開園於1886年（明治19年），園內有59個品種、472棵梅花樹，包括樹齡超過百年嘅古樹，每年花期由12月初開到3月初。
迎月橋
芭蕉の句碑，原來園內都有松尾芭蕉詠梅嘅句碑。
雙眉橋
梅見の滝
駐杖橋
香浮橋
和風庭園
熱海梅園の足湯泉眼
韓國庭園
見晴らし台
梅園入面嘅水渠蓋好靚喎
睇完啦
睇完就由熱海搭新幹線返東京駅然後轉JR去上野駅，我通常臨走嗰日都鍾意住上野，因為貪佢搭京成電鐵去成田機場最方便。
貪快手喺自動售票機買咗一日乘車票，點知太耐冇嚟東京(7年啦)，唔記得晒啲嘢，買錯咗飛，當時仲諗乜啲車飛唔係彩色㗎咩？可能機出唔同啦。完全冇意識到依張係1日票(只限當天用)，而唔係24小時票(由開始入閘起24小時計)。直到第二朝我想用佢入閘搭車，俾佢彈飛，先發覺買錯咗。依個故事係教訓千祈唔好諗住去過好多次，熟晒路而唔做功課就去玩。
搭地鐵去涉谷駅，然後行去Shibuya Scramble Square
跟住塔升降機上14樓，然後等轉另一部升降機上46樓嘅Shibuya Sky，我一個月前已經喺網上買定飛同book時間，因為今日係情人節，日落時間好難book，我只可以book到15:20咋。
未夠鐘上去，喺14樓行吓先
望到Shibuya Crossing，依個全東京最繁忙嘅十字路口，據說最繁忙溉時段，每兩分鐘就有約 1,000 至 2,500 人行過依個路口。
現場仲有間gallery，可以影吓相
夠鐘就搭升降機上46樓，跟住放低䢫身物品喺locker，之後就搭扶手電梯上天台(Sky Stage)
上到天台好大風，好凍
依個位全場最靚、最多人排。
Shibuya Sky 對面嘅Shibuya Hikarie大厦
依個角度，睇到SkyTree
依面就望到東京鐵塔
天台有個直升機坪
喺天台行陣，太凍啦，行返落樓下過陣暖河先，46樓室內有啲互動遊戲玩吓。
可以睇吓日落
仲有啲舖頭可以行吓
等個身暖番，又行返上去天台睇日落。
睇咗一陣又落返去樓下Paradise Lounge食少少嘢，我最初諗住情人節，同媽咪喺Shibuya Sky 食個晚餐睇日落，點知原來只係得間小食店
食完之後再上天台睇多次華燈初上嘅夜景
玩Shibuya Sky最好下午去，日落前、日落中、日落後睇幾次，睇晒由日到夜唔同嘅景色。
六本木同東京鐵塔一帶
代代木公園同新宿一帶
睇完就搭地鐵去Skytree食嘢
喺Skytree商場嘅沖縄地料理波照間東京ソラマチ店食沖繩料理
食完行去睇東武橋邊嘅河津櫻，睇吓開花未？
原來只係開咗幾朵咋
睇完就搭返地鐵去上野，返Super Hotel攞房，依間上野Super Hotel啲l房好細，喼都開唔到咁滯
留言列表
