2023-2-13，今朝有小雨，不過好在唔係好密，熱海係溫泉區，市內好多溫泉，地上亦有指示教人去睇
依個係「小沢の湯」，係熱海七湯之一
原來當地居民有用小沢の湯嚟烚雞蛋
睇完小沢の湯就行前少少去湯汲坂，沿住湯汲坂上就係熱海七湯中嘅大湯間歇泉。
大湯係以前熱海市嘅最大型溫泉，連徳川家康都曾於1597年同1604年兩次到此泡湯。
以前大湯間歇泉每日會噴出6次溫泉水， 但因1923年關東大地震影響，溫泉就不再噴出。依家大湯間歇泉係由1962年開始用人工的方式噴發，每五分鐘就有一次小型噴發。
大湯側邊有個電話亭，係紀念1889年日本嘅第一個公眾電話亭，喺依度設置。
喺大湯行上少少有間湯前神社，依個石鳥居係熱海市指定文化財
佢個手水舍係溫泉水
湯前神社主祭神係少彦名神，傳說中係佢發現浸溫泉可以治病，被稱為溫泉之神。但我見佢冇開門，可能太早啦。
睇完就行返落糸川，喺路邊有間小型神社，叫延命乃湯神社
又行到糸川遊步道，可以睇吓58棵熱海櫻
早起喺鳥兒有蟲吃
櫻花樹吸引到好多雙思雀(綠繡眼)嚟吃花蜜
跟住行返酒店，見到方叧一個熱海七湯之一~風呂の湯・水の湯。不過依個湯似乎枯竭咗，冇温泉水出。
食完早餐就搭伊豆急下田線落诃津
大約75分鐘就去到河津駅，駅內有伊豆舞孃嘅紙板俾遊客影相，因為依度係川端康成名著伊豆舞孃(伊豆の踊子)嘅主要場景之一。
不過今日唔好天，係咁落雨，雖然河津櫻係開咗，但冇藍天襯托，差好遠
櫻花襯上盛開嘅油菜花，如果再加埋藍天白雲就真係絕配。
館橋
河津櫻並木，不過落雨，行咗一陣就返車站附近食咗午餐先啦，因為天氣預告完下午兩點後會細雨啲
搵咗車站前面嘅吉丸駅前店食午餐
依間舖頭主打係食金目鯛
烤金目鯛咸鮮
醬油煮金目鯛
食完飯，天氣好咗啲，冇咁大雨，出去再行吓啦
再行吓河津櫻並木
中途有間河津八幡神社
河津桜並木菜の花ロード
上河原の桵
河津川河川敷
今日最可惜天氣唔好，連啲檔口仔都冇開，想食粉紅色嘅鯛魚燒都冇得食
臨走時行到河津桜並木菜の花ロード，見到有人拍廣告
搭返伊至急行返熱海，沿住伊豆半島海岸行，風景都幾好吖
我哋返到熱海駅，就喺車站商場嘅依間ばんばん食堂食晚餐
留言列表
