2023-2-12，今朝有霧，出街好多嘢都朦朦朧朧
濕度高街邊嘅植物結咗霜，綑咗一條白邊
經過一間日蓮正宗嘅實成寺
實成寺山號久遠山，創建於乾元2年（1303年），現時主要係經營墓園
附近有間融通寺，係葬咗戊辰戰爭嘅西軍戰死者。
睇啲家紋，都係關西同九州一帶嘅藩軍
睇完之後就搭火車去猪苗代湖，火車行咗一陣天氣開始好，望到磐梯山有藍天白雲。
大約半個鐘就去到猪苗代駅
首先放低行李喺locker先
猪苗代町係細菌學家野口英世嘅故鄉，到處都有佢嘅踨影
現時1000日元紙幣，就係佢嘅頭像
去猪苗代湖嘅磐梯東都バス巴士站就喺火車站前
大約要等半個鐘先有車，出去行吓先，不過猪苗代湖啲巴士每日只得幾班，一定要睇好巴士時刻表先啊
火車站前面係高速巴士站同猪苗代観光協会
前面係標高1816米嘅磐梯山，又叫會津富士，係日本百名山之一。
當地平時好大雪，依架車想開車要剷一大輪雪先得。
巴士嚟啦
大約10分鐘就到咗長浜站
一落車就喺長浜館ボートハウス買麵包皮，攞去餵天鵝
猪苗代湖係日本第四大湖，面積103.3平方公里，每年冬天都有成群由西伯利亞飛嚟過冬嘅天鵝同野鴨。
餵咗一輪就行去睇吓天鵝船，經營觀光船嘅係猪苗代觀光船株式會社
佢哋有兩艘船，一艘係天鵝丸，一艘係烏龜丸，今日雖然有開船，但係時間唔係好啱，都係影吓相算啦。
喺碼頭望返去長浜，可以見到磐梯山。
碼頭邊都可以餵吓野鴨
餵完就行返去巴士站等車返火車站
去到猪苗代駅就搭磐越西線去郡山
大約40分鐘車程，就去到郡山駅，見仲有半個鐘先有新幹線去東京，我就出去站外面行吓
坐大約個池鐘就去到東京駅，跟住就再轉新幹線去熱海
唔使一個鐘就去到熱海，我哋今次都係住東橫Inn熱海站前
放低行李之後就出去行吓，途經湯宿一番地洒店，
酒店前面有一個筆塚，係埋咗作家尾崎紅葉嘅筆。尾崎紅葉係明诒時期嘅出名作家，其中作品金色夜叉埸地係熱海市，當時喺讀賣新聞連載極受歡迎，不過作品未完成就離世。
喺酒店側邊有幾棵熱海櫻開得好燦爛
跟住行去糸川遊歩道睇熱海櫻
熱海糸川櫻花共有58棵，係每年日本最早開花嘅櫻花之一。
あたみ桜即係熱海櫻，係明治時期由寒緋櫻同山櫻雜交而成，特點係每年一月尾至二月中開花。
睇完之後就去食晚餐，今晚去咗間叫お肴野郎清介嘅餐廳食日式料理
留言列表
