close
2013年7月4日，朝早由房間望落博多駅，啱啱有架新幹線700系埋站。
今日開始用Rail pass，坐885系海鷗號(Kamome)特急列車落長崎。
媽咪同皓怡喺月台買便當上車當早餐食，都係先撳機再去柜位攞嘢。
買完嘢食再喺車頭位影多張先。
影返張相先食便當
約兩個鐘就去到長崎，亦係長崎本線嘅終點，路軌都冇得再去。
喺長崎車站見到有輛local列車，車身係長崎勝利航海球隊嘅。
另一月台上有架787系列車
長崎駅月台
長崎站內有艘「朱印船」嘅複製品，係以前冮戶幕府初期嘅日本商船，專門用嚟行走長崎同南方國家。不過後來幕府鎖國就冇再用囉。
長崎站內有艘「朱印船」嘅複製品，係以前冮戶幕府初期嘅日本商船，專門用嚟行走長崎同南方國家。不過後來幕府鎖國就冇再用囉。
一出閘就係觀光案內所，本來諗住喺度買定吊車飛，今晚上稻佐山睇「世界新三大夜景」之一嘅稻佐山夜景，不過佢話今日風大唔開，無得睇啦！真係失望。
最後只係買張電車一曰飛就算啦
站內都好多七夕笹飾
跟住行過長崎駅對面嘅商店街行吓
街口就係文明堂，嚟到就梗係要買名物「長崎蛋糕」啦。
商店街內竟然有間蘭桂坊
條街好短，唔洗5分鐘就行完。
街尾就係幕末時期嘅幕府大臣勝海舟嘅舊居。勝海舟雖然係德川幕府嘅人，但係屬於開明派，有D似李鴻章，曾經代表日本出訪美國，連坂本龍馬都拜佢為師。
然後行去西坂公園
26聖人紀念館，係紀念抗拒禁教令而被豐臣秀吉處死嘅26位天主教徒，教宗認為佢哋係殉教而追封佢哋為聖人。
長崎市電車，類似香港嘅「叮叮」
搭叮叮去原爆公園
喺松山町站落車就係原爆公園
1945年8月9日，第二粿原子彈就喺依度爆炸，炸死約七萬人，日本跟住就投降，第二次世界大戰亦結束。
其實長崎係唔好彩，因為美軍當時首選係小倉市，點知飛到小倉上空時發覺雲太厚，睇得唔清楚，於是改飛去長崎投彈，就咁小倉就逃過大難。
原爆資料館，有好多小朋友祈求和平的美勞作品。
皓怡簽名聯署反核武
館內就擺設當年原爆後嘅建築物殘蹟。
原爆時嘅熱力將玻璃瓶溶埋一嚿，其實館內仲有好多恐佈嘢，不過費事pose出嚟以免嚇親人。
依家地球上擁有核武嘅國家同數量統計圖。
館外啱啱有D學生做問卷訪問，皓怡答啦！
跟住就行過平和公園，又開始落雨，D學生妹即刻走去避雨。
行完平和公園就搭番叮叮去諏訪神社，車站條行人隧道D裝飾好靚
諏訪神社嘅大鳥居
好長嘅石級,行極都有
終於行到正門嘅大注連繩，即係芊芊講嘅結界
神社嘅拜殿
冇乜人嚟參拜，D巫女好得閒
喺諏訪神社隔離有間《祓戶神社》。
最得竟係兩隻狛犬，喺度玩雜技
睇完諏訪神社就再搭電車去眼鏡橋
落車後竟撞到兩個行家，喺度拉光纖線，做足安全指引喎，一定要讚！
正在佈置七夕
唔洗5分鐘就行到眼鏡橋嘞
建於1634年的眼鏡橋，已經有近400年歴史，係日本三大名橋之一，因連同中水倒影似眼鏡而得名。
中島川上嘅錦鯉
其實中島川上都有好多唔同建築形色嘅橋架。
我覺得最得意係河堤上有一嚿心形石。
行行吓見到橋邊有圖介紹附近嘅長崎龍馬の道，走去睇吓先。
龍馬の道係紀念幕末志士坂本龍馬以前喺長崎生活過嘅點滴，有D似香港嘅中山史蹟徑。
日本人好鍾意喺路邊渠蓋攪花臣。
行經一間餅店，有叮噹同麵包超人餅。
仲有長崎蛋糕同泡芙
我哋每樣都買D嚟試吓
行咗陣就再搭電車去大浦天主堂，落車後過咗條河就見到D西详風格嘅建築物。
依度就係長崎港初開港時外國人的居留地，亦係好多對外企業嘅創業地。
長崎好多地方賣「角煮」，即係大嚿豬肉飽，熱辣辣時好好食，我哋一路行一路試食，食到飽！
大浦天主堂，建於1864年，係日本最古老嘅歌德式教堂，被列為國寶。
跟住再行上Glover Garden參觀
Glover Garden係幾間西洋式建築獨立屋，依間就係以前英國商人Glover間屋，全間屋都係用木做，係日本第一間西洋建築，已經被列為國家重要文化財。
花園可以望到成個長崎港
連日本嘅西餐嘅發祥地都喺依度。
再行上D嘅依間大屋係以前三菱公司宿舍。
有間房有個坂本龍馬真人大細嘅相片比人一齊影相。
皓怡扮坂本龍馬
花園度有個銅像係日本歌星三浦環，佢係戰前嘅日本女歌星，常在外國表演，專喺歌劇「蝴蝶夫人」中扮演蝴蝶夫人。
揾餐飽最後終於揾到花園中嘅心形石
臨走前順路埋Glover Garden入面嘅長崎傳統藝能館，不過冇時間睇，係咁咦影兩張相算囉。
行完Glover Garden出嚟，見到依間舖頭幾得意，媽咪話要影返張相先。
又買蛋糕
見今日買咗張全日飛，唔好嘥，去埋長崎唐人街。
熱辣辣嘅蒸包，本來我想買豬肉餡不過我哋買錯咗，原來依個係豆沙餡。
行去生果檔買水蜜桃做今晚嘅宵夜
長崎燒小籠包
好好味嘅燒小籠包
今晚冇吊車搭同睇夜景，惟有提早搭海鷗號返博多啦
返到博多駅食一風堂
赤丸新味拉麵
特制赤丸拉麵
好食過香港嗰間一風堂。
博多駅内有風鈴祭，展出好多唔同嘅風鈴。
跟住媽咪就行便利店買佢嘅甜品宵夜。
今晚嘅飯後果。
文章標籤
全站熱搜
留言列表
