close
2013年7月5日，今朝喺窗口望落去見到新幹線500系列車，流線型車身時速可達350公里，係新幹線最高速列車。不過因為太耗電同噪音大，已停產，只淨低幾輛行走山陽新幹線(博多去新大阪)。
媽咪同皓怡喺博多駅買麵包上火車食
我就買炸和牛包
我哋今次坐883系列車Sonic號
我嘅早餐
約45分鐘就到小倉站，原來小倉都有單軌電車
小倉駅旁邊嘅商店街
可能時間早，條街冇乜人行
唔知係咪婚姻介紹所廣告呢？
出咗商店街，就係常盤橋
原來常盤橋以前江戶時期嘅長崎街道起步口，可以行去長崎市。我諗係咪要行成個月？
過咗常盤橋好快就到小倉城公園嘞。
小倉城公園内原來都有間八坂神社，我仲以為得京都先有添。
不過冇時間入去玩，喺門口望吓就算啦
公園内都有人力車坐喎
小倉城天守閣同護城河
有頂日本轎，可以試坐，按個制仲可以郁架。
仲有D電腦游戲
由天守閣頂層望到公園内嘅小倉城庭園
仲見到對面嘅Riverwalk商埸，係北九州最大商場，好多嘢睇架
出咗小倉城過咗護城河，直行就係Riverwalk嘞
Riverwalk隔籬就係NHK日本放送協會
NHK門口有隻Domo仔
Riverwalk商場內仲有美術館可以參觀
日本D女人雜誌好鍾意送D手袋，媽咪都買咗本
仲有好多進擊的巨人
穿過咗Riverwalk商場同隔籬嘅西日本工業大學就係JR西小倉駅
駅内又有七夕「笹飾」
喺另一個月台上見到有架「由布院の森」號列車。
等火車去門司港
我哋就搭依架 local train經小倉去門司港
站內好多懷舊嘢比人影相
門司港駅係九州鐵路嘅起點，所以有個0哩牌。
古色古香嘅人手出閘口，連D工作人頁都係著古裝架
連廁所都係100年前嘅
站外有個古老蒸氣火車輪，好大個呀！不過啱啱個站做緊翻新工程成個站圍起咗，到2017先開放，今次影唔到車站外。相添
跟住行去鐵道紀念館睇火車。
門口就係一架蒸氣火車頭
有D車卡仲可以行入去參觀
仲有一個大展覽館
入100円，有得玩模擬駕駛火車。
館外嘅花園有得玩揸小火車，￥300玩一個圈，最多坐3個人。
玩完就走囉
門司港好多古老建築物
依間叫三井俱樂部，最出名係愛恩斯坦都住過。
市內都有D人力車可以坐
跟住D建築物都唔知邊間打邊間囉。
依條音樂藍橋每個鐘頭開合一次，比D船駛出駛入
向和布刈公園方向踩
去到和布刈公園就冇得再去？原來係唔洗踩入去架，係入公園前有另一斜路上和布刈神社先啱。
惟有踩番出公園囉
經過關門大橋底就到和布刈神社
和布刈神社嘅鳥居
和布刈神社，據說建於公元200年，係九州最北端嘅神社
海中嘅石燈籠，每年農曆年初一(難得仲有用農曆)由神職人員落海在石燈籠底割紫菜，然後供奉神明。依個儀式叫「和布刈神事」，係福岡縣指定文化遺產。
神社旁嘅攝末社～「早鞆稻荷神社」
離開和布刈神社再向上踩
好快就踩到関門行人隧道入口咯
搭電梯落隧道
然後推單車過海底隧道(隧道唔比踩單車)，中間就係九州嘅福岡縣同本州嘅山口縣分界線。
下關嘅出口有印蓋，但原來得半邊，仲有半邊喺門司港！唉，原來頭先喺入口冇蓋上集呀！算啦，唔通走返去嗰邊咩！
出口對面就係以前嘅壇ノ浦古戦場。依個古戰場曾經打過一場影響日本歴史嘅大戰：源平合戰。公元1180至1185年，當時安德天皇嘅外公平清盛家族同新興嘅武士集團源賴朝家族爭權，但平清盛突然病死，源賴朝派同父異母弟弟「戰神」源義經攻擊平氏家族，平家帶着安徳天皇同「傳國三神器」逃離京都，經四國後於1185年退到這裡作垂死之戰，最後全軍覆沒。七歲嘅安德天皇由外婆抱着，連神器「天叢雲劍」一齊跳海身亡。源賴朝後來另立後鳥羽天皇，從此日本便由武士當政，即係幕府時代嘅開始，直到明治維新才結束這七百年的幕府時代，進入現代日本。
這兩個銅像就係講「壇ノ浦」之戰，左邊的是源義經，描述他連跳八船（八艘飛び）的威水事蹟，而右邊的是平家猛將平知盛，穿着沉重的鎧甲，身負船錨，投海而死的結局。但源義經功高震主，下場亦甚為淒涼。
繼續前進
越踩條路越窄，好彩條路冇乜人
中途見到有間稻荷神社，不過冇行去睇。
海面有嚿石頭，仲有結界，唔知係乜？
好快就到赤間神宮。
赤間神宮安葬咗安德天皇(源義經揾人撈番佢嘅遺體)，因安德天皇外婆抱着安德天皇跳海時話：皇上，海下面都有宮殿比你呀！。所以依間神宮個入口叫「水天門」，即係傳說中嘅「龍宮」入口。
安德天皇逃出京都時帶走三神器之一嘅「八咫鏡」，傳說在此發現。
現場好陰森，快快走人。想知乜嘢係無耳芳一，自己上網揾，我都唔想講。
平家一門之墓，喺門口影一張就算，我都唔敢影入去。
安德天皇陵
赤間神宮隔籬就係春帆樓，即係馬關條約簽署地(下關市以前叫馬關市)
春帆樓原址係酒樓，現時都係，所以喺洒樓隔離起咗間日清講和紀念館嚟放D歴史文物。
日清講和紀念館，不過，過咗5點冇得睇。
算啦，都要去唐戶碼頭搭船返門司港咯，單車店要6點還車。
當時談判嘅日方代表首相伊滕博文，同外相陸奧宗光。
依條路叫李鴻章道，因為當時日方獅子開大口，令談判膠着，而清庭代表李鴻章在談判期間更遭日本人行刺受傷，日本人安排這條通道比李鴻章出入。最後國際輿論遣責，才迫使日本接受清庭割讓台灣同朝鮮獨立。
就係依度買船飛同貨飛(單車)
跟住就喺依個碼頭搭船返門司港。
等船中......
船到咯
D船好快，唔洗10分鐘就到門司港
泊岸後就推車上岸
上岸後就踩去交車。
原來以前門司港都有電車架喎
我哋喺依間「光本」食晚餐。
皓怡食三文魚親子丼
媽咪食海鮮丼
我就食鹽燒三文魚
全部都好好味
門司港以前由南洋運香蕉到日本嘅口岸，所以碼頭上放咗兩個香蕉人比遊客影相。
飯後甜品係香蕉雪糕
食飽就搭返火車返小倉再轉Sonic列車返博多咯。
文章標籤
全站熱搜
留言列表
