close
2013年7月6日，朝早起身就落大雨，唔通連個天都唔鍾意我......
博多駅月台等新幹線Sakura號落熊本
車嚟啦，係N700系列車
今日嘅早餐，都係炸和牛包。
35分鐘就落到熊本，仲冇雨落添，即刻由新幹線月台跑去在來線月台，揾SL人吉號影相，得10分鐘咋！
SL人吉號係蒸氣火車，仲係燒煤架
月台上嘅乘務員仲比個牌我哋影相添。
話咁快就開車咯
開車時D氣笛聲好大聲
SL人吉號嘅車尾
仲有電視臺嚟拍添。
隔籬月台有架特急A-Train
睇完火車就出站行去東橫Inn
Check in counter
雖然我哋今晚先嚟住，但D行李可以放喺大堂先。
同其它東橫Inn一樣,有免費水機同咖啡供應。
仲有電腦可用
依間星期一至四仲有免費嘅咖哩馬肉飯晚餐食架！
依間最特別係有土產賣架
跟住行返去熊本駅，搭Aso Boy號去阿蘇山，不過死火嘞，開始落雨添。
靚靚嘅乘務員
我哋坐第二卡嘅位，不過都係坐咗幾分鐘就通車去影相 。
費事阻人哋拍嘢，走去第三卡蓋印先。
一大一細的親子席
波波池，不過D波係木做嘅，咁咪好硬？
D乘務員小姐在準備中
佢哋係貼D七夕笹飾喺度
行埋去車尾展望席睇吓，不過D人走晒去架車其它位置度玩啦。其實我覺得坐依架車D人都係志在玩火車，而唔係坐火車架啦！
行返去第三卡，原來電視臺都喺拍緊嘢。
原來人地D女主持都會幫手拍嘢架，唔同香港無綫D女咁，淨係識得講：好得意呀！好好味呀！
小賣部都開咗咯，D人即刻買火車上嘅限定紀念品。
乘務員小姐會囉個牌去D座位度比人影相
有D老師帶埋D小學生出嚟學習
到咗中途嘅立野駅，D小學生落車咯，拜拜！
個攝製隊都落去拍嘢，唔知係咪講：一陣架火車會過隧道然後又行天橋過河谷架！
沿途經過嘅都係D鄉郊地方，到處綠色一片，好靚。
火車慢駛過天橋
橋下面係河谷
80分鐘就到阿蘇駅囉
Aso Boy 同普通列車
喺阿蘇駅月台上有間Aso boy吉祥物嘅屋仔可以影相
出閘後，就喺站旁嘅產交巴士售票處買巴士飛，搭上去「阿蘇山西駅」。其實唔買都得，因為可以照上車掹整埋券，然後落車入錢。不過如果人多就有飛上車先。
就係咁排隊上車，不過天氣越來越差,仲突然落大雨。
死嘞,好大風，又好大雨,半個身濕晒,都係唔排住。
頂唔順，走入電話亭避吓先。
雖然上到巴士，然後上到阿蘇西站，不過全程橫風橫雨，山上嘅吊車都冇開。
惟有行個車站商場啦
攪惦
食阿蘇山牛乳雪糕
行上樓上都冇嘢睇，得個柯南
皓怡掛笹飾。
唔好再落雨啦，前兩日長崎已經冇得搭吊車睇稻佐山夜景，今日又冇得上火山口，去Aso Farmland都唔洗諗啦......
唔通咁靈？開始停雨咁喎？
但係都好大風，吊車都唔開架嘞，惟有早D搭車落山啦。
搭返產交巴士落阿蘇駅，再轉火車返熊本 。
落返到熊本駅嘞
喺熊本駅搭熊本市電去熊本城。
喺熊本城側邊嘅熊本稻荷神社，不過冇時間冇行去睇。
熊本城嘅護城河
長長嘅護城河同城牆，在明治初年嘅西南戰爭中，明治政府軍守咗五十幾日，將西鄉隆盛嘅主力耗盡，西鄉只好退兵回到鹿兒島，如果唔係，可能都冇明治維新。
熊本城已經有四百幾年歴史，最出名係築城嘅加藤清正(又係名古屋城築城者)，建咗超高嘅石垣，等冇人可以攻得入，連二百幾年後嘅西鄉隆盛都一樣攻唔入。
有D著武士衫嘅工作人員同遊客影相
宏偉嘅大、小天守閣。不愧為日本三大名城之一。
城中嘅銀杏樹，熊本城的另一個名係銀杏城，傳說當年加藤清正築城時，在城内種咗好多銀杏樹，以防比人圍城時都有得食。
天守閣嘅「鯱」，不過無名古屋城咁大喎。
「一口城主」牌，只要捐一萬円就可以做一口城主。用嚟幫補城嘅維修費
由天守閣頁望番去，可以睇晒整個熊本市
天守閣嘅瓦片刻住慶長四年(即係1599)年，我懷疑係複製品，四百幾年乜都爛啦，仲有明治初年比西鄉隆盛攻咗五十幾日，仲有得剩？
扮加藤清正
睇完都唔多六點，人哋都要關門囉，要走啦！
幾十呎高嘅石垣，外號「武者返」，即係叫D武士返歸啦！連西鄉依個「最後武士」都要敗走。
城內嘅「宇土櫓」，亦稱第三座天守閣
首掛石
西南戰爭紀念碑
熊本城西南出口嘅櫻之馬場城彩苑，係紀念品店同表演場地。
熊本鮮奶
味千拉麵？我以為香港嚟架添
同熊本熊影返張相先
櫻の馬場城彩苑内嘅表演場地
城彩苑外嘅加藤清正像
搭返叮叮返酒店攞房
喺電車上有個靚日本妹企正我對面，好似香港人咁搭車玩電話，偷影番張先。
喺熊本駅前駅落車
熊本市電車，每架車都有車掌小姐，好多都幾靚女架
依個我覺得有D似楊千嬅。
放工時間好多人上落車，但好守規矩，排成一線，唔會蜂擁而上。
落車後行返東橫Inn
依間係Twin room，本來我攞多咗間Single room，最後見依間房都幾大，攞個枕頭上嚟瞓算咯。
我哋23樓，可以睇晒個熊本市
見到有架新幹線800系列車
我哋今晚喺熊本駅入面嘅「火の国茶屋」食晚餐
我叫咗馬肉丼定食
媽咪火の國定食，最正係馬肉刺身。
皓怡食炸豚肉定食
食完行駅内商場，有隻熊本熊擺喺度比人影相喎。
食飽飯返酒店，房間D夜景都幾靚吖。
今晚嘅宵夜
文章標籤
全站熱搜
留言列表
