close
2013年7月3日，朝早由我哋房間望落去就係博多火車站
我哋酒店隔籬有間吉野家，D早餐唔貴，不過媽咪話香港都有吉野家啦，想食吓第二間喎。
咁就食Mos Burger
雖然個個都行色匆匆，但都唔係太多人啫
站内依間手信舖好多嘢賣
一盒有齊九州七個縣嘅拉麵，臨走嗰日我哋都買咗盒。
我哋搭地鐵去西鐵福岡(天神)駅。
我哋買咗依款￥2800套票，包來回太宰府同柳川嘅車飛仲包埋柳川遊船。
依架就係我哋搭去二日市嘅特急西鐵電車
皓怡唔係好舒服，食咗D藥好攰，喺西鐵火車上係咁「放蚊」。
個柳川套票内容
去到二日市之後就轉車去太宰府，一出閘就見到一大班靚女排晒長龍，做乜呢？
哦，原來係等筑紫女子大學嘅校車，唔怪之得個個又後生又靚女啦！
太宰府駅
出咗駅之後就沿表參道行去太宰府天滿宮，沿途好多嘢賣，尤其係梅ケ枝餅。
熱辣辣梅ケ枝餅，好味！
表參道上有間龍貓店，賣D嘢好靚。
D手巾仔靚到唔捨得用。
太宰府依間Starbucks裝飾好特別，原來係日本名建築師隈研吾嘅作品。
好快就行到太宰府天滿宮嘅大門嘞，依度係全國天滿宮嘅總社，主祭神係日本嘅學問之神～菅原道真。話說日本平安時期(約公元900年)當時的醍醐天皇聽了其它大臣的讒言，將學問家、詩人菅原道真貶官並流放到太宰府，最後在這裡鬱鬱而終並葬在這裏。後人為紀念菅原道真，就在這裏興建天滿宮來供奉，並尊稱道真為學問之神，地位等同中國嘅孔子。
天滿宮嘅神牛。
仲有一個個嘅紙條球，稱為藥球。
拜學問之神梗係要誠心D，參拜前喺手水舍度洗手同洗口。
太宰府天滿宮係全國天滿宮嘅總社，等於中國曲阜嘅孔廟。
最多嚟拜嘅就係學生啦
天滿宮內最多就係繪馬
依個繪馬有D似係香港人喎
唔知係咪歌星都要嚟拜呢？求可以紅D？
日本D學生好聽話，老師叫佢哋踎低排隊，就全一齊踎低。
皓怡都有掛繪馬，仲幫皓芊求埋添
原來除咗掛繪馬外仲可以掛壺盧嚟除厄！
天滿宮內都有好多攝末社
傳說中菅原道真好喜歡梅花，所以全國嘅天滿宮都會種梅花，每年2月就係賞梅旺季。依間天滿宮嘅後花園紀念品店門外有人晒梅乾，我估應該係將開花後D梅子。
原來D梅乾係老板囉嚟做漬物嘅
原來剛才嗰D學生排隊係入嚟食午飯，全部都乖乖排排坐食咖哩飯，連鞋都擺得齊齊整整，真令香港孩子汗顏。
睇完天滿宮走嘅時候開始落雨添，死火啦。
跟住搭西鐵去柳川，沿途係咁落雨。出站後個票務員就叫我哋就坐低先，然後等接駁車去搭船仔。不過我心諗：係咁落雨，點搭船仔呀？
接駁車載我哋去碼頭，雖然得我哋3個人船公司都照開船，船公司D人仲派雨褸比我哋，連相機袋都比件雨褸我包住，真係為人設想。不過太大雨，相機都攞唔到出嚟，好彩我隨身有部DC仔同手機啫。
個船伕都辛苦囉。
點知越行越大雨......落狗屎......好似香港「黑雨」咁
成艘船仔裝滿晒水，D水浸住成對腳，今次大鑊囉，會唔會沉架！早知聽琴晚個西鐵職員講啦，佢係咁話rain呀！
最後船夫知到唔惦，將艘船泊喺橋底打電話班救兵。跟住好快見到頭先車我哋架接駁車司機喺岸上接我哋上岸，不過當時倒水咁，行去架van仔度都成個人濕晒啦。
行程腰斬，架van仔車返我哋去西鐵柳川站，個天就停雨囉！吓，乜個天咁玩我呀！跟住個司機比番張船飛我哋，但冇用吖，張飛雖然話兩日内都用得，但係我哋聽日都plan咗去長崎，冇用啦。
咁就行去車站對面嘅福泉操(有條鰻魚做招牌嗰間)食鰻魚飯啦。
媽咪叫咗個盛籃
我同皓怡就叫咗一大一細嘅烤蒸鰻魚飯。
食飽飯，見停晒雨，於是行去柳川碼頭睇吓仲會唔有船開？
見D船夫將D船板同櫈反轉椋晒出嚟，都唔洗問啦。
影埋張相就走啦......唯有講下次先啦。
跟住搭返西鐵返福岡，行天神地下街啦。
同媽咪行完天神地下街就到我行Bic Camera嘞
喺Bic Cam玩印相機，￥40印一張，幾好玩。
咁多USB3.0嘅手指，香港都係行2.0多咋。
睇完就行去中州屋台，中途見到好多相士喺街邊擺檔。
中州嘅河邊，有好多大排檔，夜晚就會開檔比人食嘢，稱為中州屋台。
本來我想幫襯吓，食吓長浜拉麵，不過媽咪同皓怡話下晝嗰餐都未消化晒，咁就慳番啦。
行完屋台就行福岡最大嘅商場～運河城。
行完屋台就行福岡最大嘅商場～運河城。
皓怡去到就即刻買過對鞋嚟換，因為今日場雨浸到鞋都濕晒，仲想爛咁滯。
運河城商場入面有NHK店
又有龍貓共和國。
仲有Jump Shop，即刻同芊芊買佢D動漫嘢啦。
行到臨收工，有音樂噴泉表演。
喺運河城見到有間姆明餐廳，媽咪同皓怡行入去睇吓，不過人哋想收工咁，都係早D返酒店食宵夜算啦。
臨走都買返兩杯飲嘢先走啦。
今晚我嘅晚餐加宵夜，一風堂碗麵同鮮奶。
文章標籤
全站熱搜
留言列表
