close
2013年7月2日，皓怡放暑假，皓芊要備戰DSE冇得去，我哋今次一家三口去九州搭吓唔同嘅火車玩吓啦！朝早搭A10去機場，然後搭港龍KA 386 去福岡。
港龍D飛機餐普普通通啦，個雪糕就唔錯。
不過全程三個幾鐘，冇電視睇就悶咗D，終 於到咗福岡空港嘞。
一出閘就見到有座山笠(類似香港嘅花炮)放喺度比人影相
不過依度係國際線空港，要搭穿梭巴士去國內線空港先可以轉地鐵出博多。
一落穿梭巴士，就見到地鐵入口嘞
福岡空港地鐵站嘅售票機，不過我哋有關東嘅西瓜咭，依家全日本都可以用囉，唔洗買飛。
唔洗10分鐘就出到博多駅，即刻揾吓筑紫口個 出口先
出閘後要等媽咪去精算機補飛，原來媽咪張西瓜咭唔夠錢，要去精算機補飛。
等電梯上1階路面，部電梯好慢，媽咪又掛住玩手機
出咗地鐵站轉左直行就係我哋住嘅Hakata Green Hotel 2酒店
依間酒店勝在近博多駅，對面仲有間便利店，買宵夜方便
三人房就其實係大Twin房加床，不過以日本嚟講，都唔算細囉。
然後換JR pass
依度都有個大山笠比人睇，依個山笠嘅主題係「八重の櫻」，係近排NHK電視臺播緊嘅一套大河劇。
跟住就行埋去櫛田神社。
喺博多祇園嘅櫛田神社，建於公元757年，外號「博多總鎮守」，每年七月嘅祇圍山笠祭嘅高潮，就係由博多市內由「兜檔男」抬住山笠來櫛田神社來供奉神明。到時就熱鬧囉，不過今年係七月十五號，我哋都返咗香港啦，冇得睇囉。
神社前嘅手水舍
參拜前先搖鈴ノ，再參拜
幫芊芊求番支簽先
係吉簽嚟架
神社内都有座大山笠
櫛田神社內嘅攝末社～注連懸稻荷神社。
櫛田神社內有兩棵生埋一齊嘅銀杏樹，叫夫婦銀杏
有一片黃咗嘅銀杏樹葉
櫛田神社旁嘅商店街《上川端通》
商店街入面都有座山笠比人睇
D食物到哂之後，個店員就幫人落簾，等你可以唔比其他人見到。不過我覺得咁咪好《毒》？
食完出門口影返張相先
媽咪鍾意買茶葉同埋宵夜食甜品
我就最鍾意飲鮮奶
同埋全部嘅即食嘢8折呀
接近9點仲做半價添
即刻多咗人嚟買
依間麵包店就最誇張，一到9點個店員就攞個鎯鎯出嚟，搖兩吓即刻成班師奶衝埋去，搶購折扣麵包！十足十卡通片花師奶咁！
今晚我嘅宵夜～酸辣湯春雨加鮮奶
臨瞓前check吓D火車飛先，成大叠慢慢對！
文章標籤
全站熱搜
留言列表
