2023-2-11，今朝起身再去睇吓早上嘅會津若松城，喺藍天白雲再配上雪景，又係一番景緻
依個角度，又真係有啲係隻鶴，唔怪之得叫鶴ヶ城啦。
喺若松城城址公園内有間鶴ヶ城稻荷神社
有稻荷神社就有狐狸
一個小小嘅拜殿
睇完就返酒店揾埋媽咪搭巴士去飯盛山
大約五分鐘就到咗飯盛山
飯盛山嘅水渠蓋
買飛搭飯盛山動く坂道上山，當然可以行石級上山(免費)
上到飯盛山白虎隊記念公園，嚟到依度心情特別沉重，因為係戊辰戰爭中最悲壯嘅一幕(會津戰爭)發生地。「殺身而成仁，守節而仗義」係形容當年會津戰爭中最可悲可泣嘅故事。大河劇中嘅「八重之櫻」有詳細描述。
1868年(慶應4年/明治元年)八月，倒幕派嘅新政府軍由薩摩及長州兩藩(現今鹿兒島及山口縣)組成嘅軍隊與擁幕派嘅會津藩(現今福島縣)喺會津地區展開了一場激戰，會津藩嘅男男女女幾乎全都參戰，會津藩嘅男子依照年齡區分成玄武、青龍、朱雀、白虎，白虎隊是年紀最小嘅一群(約15-17歲)，而女子則組成娘子軍。喺人數及實力都有著極大差距嘅情況下仍然奮力迎戰，而其中有二十位白虎隊少年不敵擁有強大火力嘅新政府軍，撤退到飯盛山，喺山上望到會津若松城遭炮轟並且放火焚城，眼看反攻無望，最後只能以自殺結束自己嘅生命，而當中只有一位被救活。飯盛山就係19位白虎隊少年們生命最後嘅終點。
石碑頂有隻鷹，係羅馬市於1928年捐贈嘅紀念碑，以紀念白虎隊忠義精神
行去白虎隊士自殺之地
途中經過飯沼貞吉墓地，佢係白虎隊集體自盡時唯一獲救者，最後死於1931年(享年76歲)，死後亦葬於飯盛山。
白虎隊士集體自殺之地
當時白虎隊員就喺依度望向會津若松市，貝到會津若松城起火，二十位隊員以為會津已淪陷，決定集體殉城，成為戊辰戰爭中最悲壯嘅一幕。
其實由依度望向會津若松市都好遠，用支300mm先僅僅睇到。
放大嚟睇，望向會津若松城前面啱啱有支天線，唔知係咪方便對位呢？
睇完之後就行返去白虎隊紀念公園
白虎隊士十九士之墓
記念公園內亦有紀念整場會津戰爭中死難嘅白虎隊成員
會津藩殉難烈婦碑，係紀念會津戰爭中戰死嘅會津女子
睇完之後沿住出口右邊嘅小路行去会津さざえ堂(蠑螺堂)
蠑螺堂係1796年嘅會津若松市飯盛山建造高16.5公尺嘅六角三層佛堂。
蠑螺堂內獨特嘅雙層螺旋斜坡，原本旁邊設置咗西國三十三觀音像，可以參拜者參拜這座佛堂就能參拜三十三尊觀音。 但我哋嚟到時見唔到觀音像，只係見到當地得道高僧雕像，
由於這座蠑螺堂採用咗上行與下行為截然不同通道嘅單向通行結構，使得眾多參拜者能夠不交錯而安全參拜。依座建築係世界上罕有嘅建築模式，已於1996年被指定為國家重要文化財。
塔頂嘅天花貼滿參拜者嘅「千社札」
喺蠑螺堂正門對面有座宇賀神堂，係供奉白虎隊十九士嘅靈像
原來除咗十九士嘅靈像，仲有飯沼貞吉嘅相片一齊供奉。
旁邊亦有一啲攝末社，例如依間北向稲荷神社
嚴島神社
戸ノ口堰洞穴，係一條長150米嘅引水道，駁通戸ノ口堰。戸ノ口堰係一條開鑿於1623年，長31公里嘅人工水道，由豬苗代湖引水到會津若松一帶作灌溉之用。
戸ノ口堰水神社
白虎隊記念館，內有大量會津戰爭同白虎隊嘅資料，不過我哋趕時間，冇入去睇。
行去車站發現原來飯盛山嘅7-11招牌係黑白色嘅，我估係記念白虎隊啦
塔返巴士返火車站，預備搭車去大內宿
坐大約40分鐘火車，就去到溫野上温泉駅
溫野上温泉駅是係日本唯一擁有茅葺屋頂嘅車站，喺2002年獲選為日本東北車站百選之一。
跟住搭猿游號巴士去大內宿
。行車20分鐘，就到咗大內宿啦
因為係雪祭關係，大內宿好多雪燈籠
到訪日本三大茅葺部落(白川鄉合掌村、京都美山町，同福島大內宿)終於完成啦
大內宿同其他兩個茅葺部落唔同嘅係幾乎全部茅草屋都已經係商業用途，已經唔係民居。
行去睇大内鎮守高倉神社，依個係一の鳥居
穿過雪原，過咗二の鳥居就係杉樹林
三の鳥居
高倉神社嘅本殿
睇完高倉神社就行返入村，去個高位睇茅葺屋根。
經過本陣跡(大内宿町並み展示館)，依度係喺昭和59年(1984)復修之後嘅宿場展示館，門口有一大片空地係表演場地。
平時可以行係個石級上去見晴台同子安觀音堂，不過冬天會因為石級積雪封閉，要改行左手邊嘅小路上山。
路上山會經過一間小型寺院~正法寺
正法寺係屬於淨土宗，據說由法然上人於1175年創建。
山上面嘅子安觀音殿
見晴台上面仲有間小型嘅弁財天神社
喺見晴台上可以一眼望晒整個大內宿茅葺屋聚落
睇完見晴台之後，行返落去石原屋食大蔥蕎麥麵
石原屋入面有個火爐，等食時可以圍爐取暖
坐到個窗邊位，可以望到街景
我叫咗個大蔥蕎麥麵，不過原來攞住支大蔥好難食，最後要用筷子先食到，同埋支大蔥生食都幾辣。
媽咪叫咗個月見蕎麥麵
食完麵，就出去行吓，原來有啲吉祥物出嚟同遊客影相
行返去大内宿町並み展示館，見到吉祥物Shimogoro
吉祥物
仲有舞蹈表演
等6點鐘放煙花，到處行吓啦
入黑就開始點燈
我走上見晴台，影落嚟雪祭嘅「御神火載火」嘅神事儀式，御神火載火神事係由一班頭敷白巾、赤裸上半身嘅男子隊伍手持火把，喺大內宿由高倉神社鳥居跑到街尾，然後再跑返去大内宿町並み展示館嘅儀式
啲大隻佬跑到返到去展示館之後就放煙花
睇完煙花就搭返猿游号巴士返湯野上溫泉駅，超多人搭車，不過巴士不斷咁開，都疏散得好块
湯野上溫泉駅內又圍爐取暖
留言列表
