2015-04-13,今曰天氣預告話會落雨,我仲Book咗和服添,但係book咗如果唔去咪好衰?頂硬上啦!見未夠鐘就先去四条河原町嘅高瀨川睇吓有冇櫻花先。
高瀨川係一條運河,開鑿於1611年,引鴨川的河水到京都市內,以方便運送物資,係江戶時代重要運輸要道,但現時已無實際作用。因以前有人喺河邊種咗好多櫻花樹,依家每年春天係京都市嘅賞櫻名所之一,不過我哋來得太遲啦,開完了。
只係得番幾朵染井吉野櫻。
行完高瀬川就行經鴨川去祇園,可能因為落雨所以冇乜人喺河邊行同踩單車。
經過祇園就上八坂神社,不過因為佢最靚嘅舞殿同南樓門都包起咗嚟維修,所以都無影相。
八坂神社內嘅攝社「大國主神社」,好多人求姻緣架,不過今日都無乜人參拜。
出咗南門就見到棵好靚嘅枝垂櫻,影吓先。
今次我都係book番上次嗰間和服店「染匠」,因為覺得佢服務好同埋熟路吖嘛。
老板娘叫我45分鐘後返嚟啦,我就去附近行吓影吓相啦。
二年坂
八坂の塔
行到円山公園就開始落雨,早D返去接媽咪啦。
返到去媽咪都攪惦,今次媽咪揀咗件橙色有櫻花圖案嘅和服,着住去賞櫻就啱晒。
見落雨老闆娘仲比把和傘我哋影相,出街就比另一把洋傘。
出發去行街,首先行ねねの道,中文譯作寧寧之道,ねね係豐臣秀吉正室北政所嘅小名,寧寧之道係通往北政所晚年修行的高台寺嘅道路。
然後上高台寺,高台寺係豐臣秀吉死後由妻子北政所於1606年為秀吉死後祈福所建,亦係佢終老之所。現時係國家重要文化財。
入口嘅櫻花襯上翠綠色嘅楓葉
偃月池
方丈堂前庭園嘅枝垂櫻都差唔多開完咯
觀月台
開山堂
臥龍池
原來高台寺入面都有個竹林,有D似嵐山
喺高台寺行出嚟就係高台寺天滿宮
睇完高台寺就行二年坂同三年坂(產寧坂)
三年坂嘅青龍苑,前幾年我哋嚟過依個隱身喺三年坂内嘅小庭園,覺得好靚又冇乜人,不過今年嚟就多咗好多人着和服喺度影相。
青龍苑內有間大頭妹店
行到上清水道(松原通),去七味家本舖買原裝七味粉返嚟先。
清水道上依間包子店好好食,不過好多人排隊
清水寺嘅仁王門,清水寺建於778年,係京都最出名嘅寺院之一,亦係世界文化遺產。
仁王門前有幾棵枝垂櫻開得好靚
以前我哋都入過清水寺兩次,今次唔入啦,行清水新道走,落五条坂搭車去南禪寺同平安神宮啦。
D日本人好鐘意喺自己門口種花,依間D花開得好靚,碼媽咪話要同佢影吓
不過行行吓好大雨,最後走咗入依間舖頭食燒栗子,熱辣辣超正!
等D雨細咗,就直接搭巴士去平安神宮。本來諗住先去南禪寺食湯豆腐,不過太大雨,媽咪行得好慢,費事整污糟套和服,食完又要行番落嚟,横惦我哋沿途都食咗D嘢,所以直去平安神宮算啦。
高24.4米的大鳥居係登錄有形文化財
平安神宮建於1895年,係明治天皇紀念遷都平安京(京都)1100週年而建的,供奉桓武天皇同孝明天皇。
應天門
大極殿
入咗神苑之後就見到滿開嘅八重紅枝垂櫻
粞鳳池和尚美館
泰平閣(橋殿)
雖然有遮,但影咗一陣就成部機濕晒,冇所謂啦,依度D八重紅枝垂櫻真係好靚,襯埋神宮D亭臺樓閣,如果有陽光就完美啦!
行完平安神宮就搭巴士返八坂神社,喺主殿度參拜前要搖鈴
八坂神社其中一間攝末社「美御前社」,想靚就要拜吓啦
美御前社前有美容水,塗D喺塊面度,好過用SK2嘅神仙水喎。
睇完之後就行去後面嘅円山公園,其實今朝我都行咗一陣,不過媽咪冇行,同埋話會有夜櫻睇,不過係咁落雨乜都冇開啦
最後行埋石塀小路
最後6點前返染匠還衫,完成咗媽咪再次着和服嘅京都散策之行
還衫後就行返去四条河原町,途經白川南通,睇吓仲有冇櫻花啦
仲有少量水尾睇吓
睇完白川南通D櫻花本來想去丸井百貨7樓食嘢,點知佢又裝修緊冇得食,最後惟有搭巴士返去京都駅Yodobashi食嘢,今日食名物もも焼き 大山 京都
留言列表