2015-04-14,今日係今次行程最後一日,我哋去二条城參觀,不過仲係落雨,真係無癮。
二条城始建於1603年,係徳川家康任征夷大將軍後下令興建,1626年經第三代將軍徳川家光擴建成現時模樣,比當時的皇宮還要宏偉,以顯示德川幕府的威勢。徳川幕府以二条城為參見天皇時的住所(平時住江戶城),1867年末代將軍徳川慶喜在此舉行「大政奉還」儀式,將政權正式交還給明治天皇,亦象徵着幕府時代的結束。1915年大正天皇的即位儀式亦在此舉行,1939年昭和天皇將二条城賜予京都市,1994年入選為世界文化遺產。
二条城的唐門
過咗唐門就係二の丸御殿嘅
御殿嘅車寄,不過入咗車寄之後就唔可以影相,其實入面都係有幾個大殿,有D蠟像代表將軍、大名,有D故事咁啦。可能因為D裝飾、字畫、屏風係文物,所以唔想比閃光燈傷害而唔比影啦
睇完二の丸御殿行返出嚟,就係二の丸庭園,前面有兩個大鐘,寫咗D日文,不過我就唔知寫乜?
行完二の丸庭園就去睇櫻の園
櫻の園D櫻花正滿開
雖然有雨但好在唔係太大
睇完櫻の園之後繼續喺城度行,途中都有好多枝垂櫻睇
仲有紅葉睇添
行行吓越來越大雨,最後去咗清流園入面嘅和樂庵,飲茶同食和果子啦
飲完茶見D雨細咗,就再行埋清流園啦
喺二条城嘅紀念品店,好多新選組嘅嘢賣,我估可能同佢哋係幕府嘅守護者有關啦
睇完之後行去搭巴士返酒店攞行李,經過二条駅見到有間Life超市,入去行吓先
媽咪最鍾意食日本D士多啤梨,依度又平又新鮮,正!
攞完行李就去巴士站等巴士去京都駅,京都D巴士站好好,可以睇到D車幾時到。
喺京都駅搭Haruka16:15→17:34去関西空港,張関西広島 pass包埋。媽咪喺京都駅時見有時間,仲去埋GU掃貨添。
依間関西機場禁區中間嘅免稅店勁多強國人買嘢,比錢起碼都要排成半個鐘,睇到都怕怕。
我哋最後去咗北閘口依間少人好多嘅免税店買,基本上唔洗點排,不過貨嘅款式就少D囉。
買完之後就搭CX 569 19:00→21:55返香港
留言列表