2015-04-12,今朝天氣都算好,雖然冇藍天,但都有少少陽光,咁就搭叮叮去原爆紀念公園啦。
依間圓拱形頂嘅建築物,叫做「原爆ドーム」,原本係廣島縣產物獎勵館,1945年人類第一顆原子彈就係喺佢上空爆炸,當時差唔多全市建築物(大部分係木做)盡毀,淨得佢因為佢石屎做,所以留低個外形。日本就專登將依度規劃成平和紀念公園,留比人類警惕,勿再重複同樣的錯誤。而圓頂屋1996年起,亦已被聯合國教科文組織列入世界文化遺產。
公園內嘅平和之鐘
公園内嘅「原爆の子」之像
原爆之子係指原爆受害者之一嘅佐佐木禎子,佢兩歲時在廣島遇上原子彈爆炸,當時並未有受傷,但十年後疑因受原爆輻射影響,而患上白血病逝世。佢臨死前在醫院摺咗好多千羽鶴,所以「原爆之子」像前,展出來自全國祈求和平的千羽鶴(同長崎原爆公園一樣)。
平和公園內嘅慰靈碑
廣島平和紀念資料館
館內展出嘅原子彈模型
仲有原爆後嘅物件
睇完後媽咪寫留言冊
原來喺原爆公園前嘅碼頭,可以坐船去宮島。
依條航線因為連接兩項世界文化遺產,所以叫世界遺產航路
碼頭前媽咪食櫻花雪糕
睇完平和公園就行去廣島城,依段路叫文化の道
始建於1589年的廣島城,係日本100名城之一,又名鯉魚城。1945年因為原子彈轟炸而化為灰燼,1958年重建成現時模樣。
廣島城公園入口「二の丸」嘅表御門
公園內嘅廣島護國神社
今日係廣島護國神社嘅春季大祭,有好多人著到好靚嚟參拜
仲有小童劍道比賽,不過日本D護國神社都係供奉D戰爭陣亡將士,帶點軍國主義色彩,唔多啱外國人參觀。
都係行去公園內嘅小檔口食吓銅鑼燒仲好啦
廣島城嘅天守閣,不過我諗住天氣預報話下晝會落雨,都係早D落京都好D,所以冇行上天守閣入面。
睇完就返広島駅搭山陽新幹線由広島去新大阪12:52→14:18
再喺新大阪轉東海道本線搭新快速落京都14:35→14:59
日本D火車月台好清楚,D車門嘅開門位都好清晰
一去到京都駅就上2樓旅遊中心,攞巴士地圖同買定依幾日嘅巴士全日票。原來仲有個櫻花狀況表,可以睇吓邊度開得靚,睇住嚟玩。
然後搭巴士去四条大宮,放低D行李喺酒店,跟住即刻搭巴士去仁和寺賞櫻,啱啱好趕到5點前入場,可以睇半個鐘啦。
一穿過仁和寺嘅二王門,已經見到好靚嘅櫻花。
行咗上中門回望見到媽咪行緊上嚟,中間就係建於江戶時代初期二王門。其實仁和寺始建於888年,由當時嘅宇多天皇下令興建,而他九年後退位後,便在這裏出家及終老。而後來亦有很多天皇和王子在這裏出家,所以亦稱為御室仁和寺。現時已列入世界文化遺產之一。
過咗中門就係御室櫻場
仁和寺種嘅係御室櫻,棵樹唔係好高,D花就喺面前,影相好好影。
仁和寺內嘅五重塔,襯上御室櫻,正!
其實喺左手邊嘅觀音堂,本來都好古色古香,不過啱啱維修中,所以盡量用D櫻花遮吓佢啦。
最後影到比人趕先走
我哋一行出嚟就連中門都閂埋囉
出咗門口先有時間影吓仁和寺嘅大門,因門口左右有兩大天王守護,所以叫二王門。
門口就係返京都市嘅巴士站
我哋搭番巴士出京都駅,見到啱啱着咗燈嘅京都塔
我哋今晚就喺京都駅前嘅Yodobashi multi media店大樓上面嘅六四時中食晚餐
依間Yodobashi店好大,仲可以免稅添。
媽咪去買衫,我就行去睇相機同電器
仲要同芊芊買鞋添
買完嘅就返酒店,我哋今次住嘅係東横Inn四条大宮,D房都算大吖。
留言列表