2023-2-15，今朝攞返琴日張1日票入閘，點知彈票，睇清楚先知買錯飛，惟有買過張24小時票啦。
搭地鐵去木場駅，然後行大約5分鐘就到大橫橋。
行入去就大橫川散步道，沿河邊大約有100棵河津櫻同十幾棵寒緋櫻，不過依家啲河津櫻仲未開。
只有個別河津櫻開咗一兩朶
再行入啲就見到啲寒緋櫻開咗啦
寒緋櫻同河津櫻都係屬於早櫻，寒緋櫻每年一月就開花，花期去到二月底，河津櫻就通常二月中先開花。
有隻相思仔(綠繡眼)嚟採花蜜
喺大橫川散步道附近有個横十間川親水公園，都有棵寒緋櫻開咗。
睇完櫻花就搭地鐵返去上野恩賜公園，每次嚟上野恩賜公園我都會去影吓西鄉隆盛銅像
西鄉嘅格言：敬天愛人
彰義隊墓所，慶應4年(明治元年)2月，末代幕府將軍德川慶喜大政奉還後蟄居上野寬永寺，但反對慶喜恭順嘅舊幕臣成立彰義隊。到咗4月11日，江戶無血開城，慶喜退居至水戶。但彰義隊仍死守寬永寺並挾持寬永寺住持反抗明治新政府軍，日本稱為上野戰爭，亦係戊辰戰爭中嘅一環，最後被新政府軍擊敗。彰義隊墓所係後人為彰義隊陣亡者設嘅墓園。
寬永寺嘅清水觀音堂
清水觀音堂前有棵十月樱開咗少量櫻花
寬永寺的創立者是德川家光，由第一任住持天海在1625年所建造。因為在寬永年間開始建造，所以被稱為寬永寺，寬永寺也是德川家的菩提寺之一。江戶時代十五位大將軍中，總共有六位被埋葬在寬永寺。十七世紀中期以後，歷代住持開始由皇族擔任。(維基資料)
上野恩賜公園嘅銀杏樹，每年十二月初就靚囉
上野恩賜公園內嘅國立西洋美術館，建築師係法國「功能主義建築」泰斗柯比意，2016年第40屆世界遺產大會上，柯比意位於7個國家的17件作品獲列入世界遺產(包括依間國立西洋美術館)。
不過依家啱啱維修，三月中先開，冇得入去睇。
館外廣場有法國雕塑家羅丹嘅雕塑，依個個「加萊義民」。
沉思者
地獄之門，左右有兩個都係羅丹嘅作品「亞當」同「夏娃」。
依件係羅丹學生布爾代勒(不過後來因創作理念同羅丹唔同而分道揚鑣)嘅作品「拉弓的海格力斯」。
跟住行去公園入面嘅Starbucks
原來已經有櫻花特飲
據說喺櫻花盛開時，依間Starbucks嘅橫樑上會掛上櫻花做裝飾
用豆奶開溉Soy Latte
Sakura Frappuccino
依度坐吓飲杯嘢都幾舒服
其中有隻窗外面嘅櫻花開咗，好靚。
飲完就行出去睇吓棵櫻花
原來依棵叫寒櫻
上野恩賜公園仲有好多嘢睇，包括依間東京国立博物館
仲有国立科学博物館，前面仲有個野口英世銅像。
公園内仲有間上野東照宮，依個係佢嘅大石鳥居
上野東照宮始建於寛永4年(1627)，由第三江戶幕府將軍德川家光下令興建，主祭神係東照大権現(徳川家康)。依家係重要文化財，一行入去就見到成排石燈籠同後面嘅五重塔。
原來座五重塔係舊寛永寺五重塔，亦都係重要文化財。
行入啲仲有一排銅燈籠
繪馬所
上野東照宮嘅唐門
買咗個御朱印
神樂殿
行完上野公園就返酒店攞行李，然後去搭skyliner去成田機場，因為塔UO無嘢食，所以喺機場食個吉野家先。
食鰻魚飯
跟住搭UO 849， NRT 15:25→20:00 HKG
今次好好彩，見到富士山
留言列表
