2302東京東北靜岡自由行Day3(大宮駅,秋田新幹線,田沢湖駅,田沢湖一周巴士,羽後交通,東北車站百選,お食事処みちのく,田澤湖,浮木神社,辰子像,御座石神社,舟越保武,乳頭溫泉鄉,大釜溫泉,妙乃湯溫泉,露天風呂)－hkt222976的部落格

2023-2-6，今日食完早餐就要搭車去東北，依家東橫Inn啲早餐好食過以前

食完早餐就拖埋行李去新宿東口，搭通勤車去埼玉縣嘅大宮，今日開始用7日JR Pass

大約半個鐘就去到大宮駅，見未夠鐘搭車，走出站行吓

去站外7仔買嘢飲

由於大宮駅係東北新幹線、秋田新幹線同北陸新幹線嘅滙合站，所以喺站內擺放晒依三條線嘅新幹線模型。

月台上嘅弁當屋

秋田新幹線嚟啦

去到仙台就見到有積雪啦

全程約兩個半鐘就去到田沢湖駅，車站月台擺放咗個龍頭，係有關於田沢湖嘅傳說

出閘之後就喺駅內嘅巴士案內所買田沢湖一周車票，案內所售票counter旁有部售票機，係賣去乳頭溫泉嘅巴士票。原來依度嘅巴士(羽後交通)係唔收西瓜卡㗎。

田沢湖一周巴士車票

跟住將個大喼寄存咗先，不過都帶住個細喼(因為個locker放唔入兩個喼，又唔想花錢租多個)

田沢湖駅外形新顈，係配合1997年秋田新幹線開通重建而成，2002年曾以「玻璃與木頭組合所成之現代風格車站」（ガラスと木を上手に組み合わせたモダンな駅）嘅評語，獲選為東北車站百選（東北の駅百選）其中一個車站。

萬我哋喺車站附近行吓，當地好厚積雪

啲居民成日都要剷雪，其實都幾辛苦同危險

最後行咗嚟依間「お食事処みちのく」食午餐

豚肉拉麵，好大嚿豬肉

炸豬手

13:25準時上羽後交通嘅田沢湖一周遊巴士

大約半個鐘就到咗我哋嘅第一個站~潟尻，巴士會停20分鐘，俾我哋去睇浮木神社同たつこ像(辰子像)

浮木神社，建於田沢湖邊嘅小型神社，拜祭田沢湖上嘅浮木

積雪差唔多將神社嘅石燈籠都封住咗

由浮木神社行兩分鐘就去到辰子像，傳說辰子係住喺田澤湖畔嘅美貌少女，佢希望能保持年輕貌美而到向觀音菩薩祈求永遠青春美麗。喺觀音菩薩指引下，辰子走入森林喺岩石縫內搵到清澈嘅泉水，辰子用雙手捧著水嚟飲，但越飲越口渴，不停咁喝，後來辰子望吓自己，發現自己變咗條龍，跟住潛入田澤湖湖底成為湖溉主人。

據説住在湖邊村落的少女辰子是一位絕色佳人，她擔心自己的美貌終有一日會因歲月而不再動人，於是向觀音菩薩祈求能夠不老長壽、永駐青春。菩薩指示她到湖的北邊喝下湧泉，不論怎麼喝都還是覺得很渴的辰子，最後化為一條龍潛進田澤湖內，成為永恆的神話。

原文網址: https://tohoku.letsgojp.com/archives/9109/ © 樂吃購！日本 tohoku.letsgojp.com

依個金色嘅辰子雕像，係1968年由日本著名雕塑家舟越保武嘅作品

田澤湖係位於日本秋田縣仙北市嘅淡水湖，面積喺日本嚟講唔係大，大約25.8平方公里(即係約4個萬宜水庫)，喺日本排名19，但最深處有423.4米，係日本最深嘅湖。

第二站就係御座石神社，只停留10分鐘，司機喺落車時會展示開車時間，影相一定要快手

第一時間就衝去影大鳥居先

御座石神社嘅拜殿，御座石神社其中一個主祭神係龍神，即係辰子，相傳辰子就喺依度飲咗泉水而化身成龍。至於神社嘅名稱係源自1650年秋田藩主佐竹義孝，遊覽田澤湖時曾在此坐喺石上休息而改嘅。

凍到速手水舍嘅水都結咗冰

神社內馬所「繪馬奉納所」旁有辰子嘅雕像。

返到去火車站等巴士去乳頭溫泉鄉，入去火車站行吓，原來車站二樓係「田沢湖郷土史料館」嘅「森と遺跡の展示室」，展示田沢湖一帶嘅史前遺蹟、黑倉遺蹟等珍貴文物

等咗大約半個鐘，去《乳頭溫泉鄉》嘅巴士就到嘞。《乳頭溫泉鄉》位於日本東北秋田縣仙北市內，獲選為「100選秘境」溫泉之一，有超過300多年嘅歷史。《乳頭溫泉鄉》內總共有7個具有歷史感嘅溫泉會館，分別係：鶴之湯、妙乃湯、蟹場温泉、黒湯温泉、孫六温泉、大釜温泉同休暇村。而七個溫泉會館有部分仲提供男女混浴，亦係現時比較少見嘅。