2023-2-5，今日去富士山，去新宿站時經過歌舞伎町一番街隔離嘅哥斯拉路
因為街尾嘅東寶戲院擺咗個哥斯拉頭出嚟，所以啲人叫佢做哥斯拉路
新宿南口嘅高速巴士總站，依度集合晒所有高速巴士站喺度，比起十幾年前我初初嚟東京嘅時候散收收好好多
我一早喺網上訂咗飛，嚟到俾司機睇手機上面嘅QR code同座位號，就可以上車
大約個半鐘就嚟到中央道下吉田站
一落車就見到富士山，不過今日有雲睇唔到個山頂😥
跟住行去新倉富士淺間神社(忠靈塔)，沿途都有好多指示牌唔驚蕩失路
行大約十五分鐘就去到新倉富士淺間神社嘅入口
開始行上山啦，大約5、60級啦(前菜嚟㗎咋😅)
跟住就到咗新倉富士淺間神社
近年啲神開始鍾意將手水舍嘅手水砵改咗做花水手，即係將啲鮮花擺喺水面，不過依間堅竟然用膠花，我覺得有啲Hea囉
參拜完之後，我就擺低本朱印帳，俾神社職負寫御朱印，我就行上山，之後先返嚟攞。我揀咗最正常嗰款，因為佢係人手寫，其他嗰啲係一早印好咗嘅。
喺神社旁邊嘅展望台睇富士山都好正㗎
仲有啲攝末社
由依度開始上到忠靈塔，總共有398級石級😅
媽咪唔夠氣，行吓唞吓影吓
努力
行咗十分鐘就上到忠靈塔(五重塔)
忠靈塔建於昭和37年(1962)，係祭祀日本戰爭嘅亡魂
其實呢個位都幾麻煩，要排隊先影到😅
等左一陣終於見到富士山個山頂
跟住行入去富士吉田市，原來富士吉田市啲坑渠蓋係用富士山做標誌
市內嘅小室浅間神社
小室淺間神社全名係富士山下宮小室淺間神社，主祭神係「木花咲耶姫命」，據說始建於公元807年，即係有千幾年歷史。神社最出名係每年9月嘅流鏑馬祭，即係騎住馬嚟比賽射箭。
御神馬(神馬社)，係木花咲耶姫命嘅坐騎
依間神社都養咗好多隻馬
仲有有水池同小橋流水
神社內嘅「大塔宮桂之古跡」，據說樹後係葬咗後醍醐天皇第一皇子「護良親王」嘅首級
今日唔知係咩日子,好多少女着卒業袴嚟小室淺間神社參拜
跟住就行嚟近年熱爆嘅人氣景點~富士吉田市嘅下町通。天氣好時大大座嘅富士山幢直咁擺前面，不過今日嚟到時天氣唔好，睇唔到富士山吖。
不過其實呢度係市內嘅交通要點，交通好繁忙，啲人成日喺路中間擺pose影相，阻塞交通同好容易造成意外。我嚟嘅時候除咗有告示牌叫人影相要小心之外，仲有個人親身叫人唔好停喺馬路中心影相。
行去富士山駅食午餐
駅內地庫係美食廣場，我哋叫咗兩個烏冬，不過啲烏冬有啲粗身，唔多好食
富士山駅旁嘅黑鳥居
我哋喺富士山駅搭F線巴士去忍野八海
大約半個鐘就去到忍野八海入口嘅巴士站
由巴士站行大約三分鐘就可以去到忍野八海，沿途都好多店舖賣手信同紀念品
忍野八海，其實係富士山下嘅八個池塘，分別係：出口池、御釜池、底抜池、銚子池、湧池、濁池、鏡池、菖蒲池，佢啲水係喙嚟自富士山融雪後嘅水。
啲水好凍
依個係湧池，湧池嘅泉水入選全國名水百選。
喺湧池隔籬由旅館「池本莊」自行挖掘嘅池塘「中池」，面積同深度比湧池仲大，池入面養咗錦鯉，吸引好多遊客參觀，好多人(包括我)仲將「中池」誤認為忍野八海之一。
鏡池
菖蒲池
喺菖蒲池附近嘅忍野八海淺間神社
神社拜殿
用忍野八海嘅泉水供奉神明
池水一啲都唔濁嘅「濁池」
池水都幾渾濁嘅「銚子池」
睇完「銚子池」就沿河邊行去遠少少嘅「御釜池」
「御釜池」嘅池水都唔係好清
睇完之後行返去湧池側邊嘅「かまのはた」飲茶，依度啲茶係用名水百選嘅水嚟沖㗎
依度飲茶仲可以望到窗外嘅富士山，嘆茶又嘆景
嘆完茶係喺門口再影番張富士山到此一遊啦
跟住行返出巴士站等車返富士山駅，不過依個站好多人上車，我哋都要等多一班車先上到
喺富士山站搭富士急行電車去大月站
喺車窗都可以見到富士山
去到富士山站就轉JR返新宿
返到新宿，行去地下街「ねぎし サブナード店」食牛舌餐
留言列表
