2014年6月13日，今朝行去和歌山駅搭火車去行熊野古道，啱啱係返學時間，好多學生。
和歌山駅外等巴士嘅人龍。
彩繪列車
搭くろしお1号(黑潮1號)特急去紀伊勝浦
沿途經過太平洋海岸
中途經過白浜駅，D車站工作人員著夏威夷恤架喎
火車上有D展望席比人睇風景
經過本州最南の駅～串本駅
坐咗成兩個半鐘，終於到咗紀伊勝浦啦
個站好似成間神社咁
紀伊勝浦駅
火車站外面有足湯可以浸
見未夠鐘有巴士，浸吓足湯先
搭巴士去熊野古道
我哋搭到去那智大滝落車
古時日本人一生人一定要到熊野山的神社參拜一次，行過的道路稱為熊野古道。由2004開始登錄為世界遺產，係全世界僅有的三處與「道路」相關的世界遺產之一。
那智大滝高133米係日本落差最大的瀑布
芊芊求簽
要反轉個簽筒倒出嚟
芊芊求到一號簽，係大吉，即係上上簽！希望上到大學啦。
那智山嘅神社嘅繪馬板係傳說中嘅神鳥～八咫烏
臨走前影番張相先
睇完瀑布就繼續向上行
行呀行
見到個牌就行去青岸渡寺同三重ノ塔
熊野那智大社嘅一の鳥居
依度D繡球花好靚
熊野那智大社嘅二の鳥居，穿過依度就到熊野那智大社嘅拜殿嘞
熊野那智大社嘅拜殿
八咫烏，八咫烏係熊野三山嘅守護者。
喺拜殿旁嘅大楠樹，由平家武將平重盛於1179年手植，最特別係樹幹中空，可以爬上樹丫處。不過我冇試爬，因為傳說平家一門嘅魂魄寄居在此。
唔知點解部相機無端端自己變咗做黑白，仲連我自己影完、睇過都唔發覺喎，真邪門。
喺那智熊野大社隔籬嘅青岸渡寺嘅拜殿
影完走咗先發覺部相機變咗做黑白，好彩部手機都有影咗D
跟著行返落山
落到那智大滝站等巴士落山
食住雪糕等巴士啦
我吔搭巴士去到大門坂落車
我哋專登嚟依度就係着古裝和服，依件係平安時期(794年–1185年)參拜熊野大社時善信着嘅和服。
平安時期嘅參拜和服最特別係有個大紗網，我諗係咪山路多蚊，當蚊帳用呀？
D行熊野古道嘅遊客，都係咁同古裝人影相呀
行到多富氣王子跡，整條熊野古道有99個王子跡，即係小神社，比人一路行一路拜，同時可作休息站。
着完和服就搭返巴士去紀伊勝浦嘅山賀食嘢
食完見未夠鐘搭火車就行吓街啦
行過生果舖，買咗D甘夏試吓先，原來同西柚差唔多味嘅。
臨近七夕，D七夕笹飾都掛咗出嚟囉。
勝浦漁港
喺勝浦漁港有免費足湯比人浸
紀伊勝浦駅
依架火車原來有熊貓座位比人坐。
沿著太平洋海岸搖返和歌山
出到和歌山駅有D音樂人做街頭表演
我同皓怡去Coco壹番屋食咖哩飯，好好味。
留言列表
