2009年8月16日，今日係台北之旅嘅last day，朝頭早起身換衫後就去退房，然後寄低D行李响洒店，跟住去淡水。不過今朝捷運木柵線要停車檢測，我哋咪搭免費接駁巴士去忠孝復興站先有捷運坐。
出左捷運淡水站之後就係公明街(商店街)，過我哋早咗D，舖頭未開晒。
跟住行去中正路(淡水老街)，依道D舖就開晒，又多嘢食，正！
條街真係好老，竟然仲有碾米工廠，又真係有人响道買米嫁喎！
出名的阿婆鐵蛋，不過全部都係真空包裝，冇熱辣辣嘅，都唔係太好味啫！
反而隔離依檔炸花枝丸同蝦捲仲好食啦！
跟住行過對面嘅可口魚丸食鯊魚丸同雲吞，好正嫁！
之後搭船去情人橋，一路行一路食，胃食媽咪仲食到成口都係。
約10分鐘船程就去到情人橋嘞
上岸之後就係漁人碼頭，都有好多嘢食，不過好晒，冇心機行。
豪大大雞排竟然開分店開到到嚟依道，真係好搵！
情人橋係因為响2003年情人節由當時總統陳水扁開幕啟用，所以被『阿扁』命名為『情人橋』
跟住行上情人橋道影吓相啦，不過真係晒死人，好熱呀！
皓怡就竟然唔怕熱，仲係咁跳嚟影相添！
睇完情人橋後就搭返船返淡水碼頭
淡水碼頭河邊有很多小販檔同商舖，D嘢都好好食嫁！
依檔D燒鳥蛋(鵪鶉蛋)好正嫁！
跟住搭捷運返酒店攞行李然後就行去後面嘅7-11道等長榮巴士去機場
桃園機場好多人，排咗成個鐘先攞到登機証，跟住就入閘搵Kitty店啦！
個Hello Kitty店好多嘢睇同買，好正架！
隔離就係Hello Kitty侯機室！
仲教人點畫Hello Kitty添
2009年9月台北會主辦聽障奧運會，依兩隻青蛙就係吉祥物嘞
仲有响PSP店道，現到有個大高達模型！
我哋搭依架747返香港嘞
原來我哋係坐747嘅上層，第一次上樓上，影返D相紀念先。
依D就係台灣觀光局送比我哋嘅『台灣伴手禮』嘞，只要响香港買台灣機票加酒店就可以去中環嘅台灣觀光局攞張coupon，跟住响台灣機場免稅店就可以換一份嫁嘞！幾好吖，由其係嗰盒宜蘭牛舌餅，勁好食！！
留言列表
