close
2014年6月14日，今日係全個旅程後一日，我哋首先搭貴志川線電車去探小玉站長。貴志川線電車本來係一條瀕於執笠嘅火車線，後來有人忽發奇想，用一隻叫小玉嘅貓嚟做站長，吸引鍾意新鮮嘅日本人嚟搭，果然起死回生。
貴志川線電車有幾款，包括小玉列車、草莓列車、玩具列車同普通車。我哋今次搭嘅係草莓電車。
兩個細路成日搭車都瞓覺
約坐半個鐘就到總站貴志駅啦
駅內有幾間小型神社
站長＂小玉＂喺度瞓覺
好在有代理站長同遊客影相。
貴志駅嘅外形都整到成隻貓咁。
臨走時代理站長出嚟送客
今次搭普通列車返和歌山駅
出到和歌山駅就搭巴士去和歌山城
和歌山城係建於虎伏山上，又叫虎伏城
有善意の杖比人行上天守閣
和歌山城嘅大、小天守閣由一條長長嘅迴圈式走廊連起來，同我哋幾日前去過嘅松山城、仲有姬路城合稱日本三大連立式平山城
和歌山市係平原，建於48.9米嘅虎伏山上嘅天守閣頂樓，已經可以俯瞰到整個和歌山市
天守閣前可以同忍者打扮嘅工作人員合照
甘夏樹和果
和歌山城內嘅護國神社
又見繡球花
和歌山城內嘅紅葉渓庭園，係和式庭園。
園內好多楓樹，秋天嚟就靚囉。
紅葉渓庭園內嘅紅松庵茶室
喺護城河邊踩單車嘅學生
睇完和歌山城就返和歌山駅食午餐，喺火車站附近有芊芊最喜愛嘅Animate，梗係要行吓啦。
今日嘅午餐都係去食Coco壹番屋，因為琴晚食過覺得好好味。
和歌山市嘅水渠蓋
去到関西機場，即係要拜拜囉。
最後衝刺
搭BR129去台北
機上嘅飛機餐，不過不失啦！
去到桃園機場再轉BR827返香港
依個飛機餐好差，唔惦！
文章標籤
全站熱搜
留言列表
