2014年6月12日,今朝由我哋酒店望出去,會見到岡山駅西口嘅東横Inn,仲啱啱有架新幹線駛過添。
趁D細路同媽咪未攪惦,我自己出去行吓先。
岡山市電車
新款的岡山電車
岡山駅
岡山市係日本神話「桃太郎」嘅故鄉,所以岡山駅有桃太郎嘅銅像,同條街叫桃太郎大通
桃太郎大通上嘅警岡
西川綠道公園
岡山市嘅水渠蓋係桃太郎
行完就返東横Inn食早餐
搭電車去岡山城
搭兩個站去到城下駅落車
岡山城嘅護城河,左邊就係後樂園
黑色嘅岡山城,又名烏金城
岡山城每日早上十點開始,有五個時段可以有和服體驗(每次最多五人),就喺依道登記就得。
媽咪着嘅係公主服飾
我着嘅係大名服飾
媽咪着完就到皓怡着
芊芊要做大名
坐大名駕籠
兩個細路扮忍者
天守閣上嘅金鯱
皓怡話要低角度影岡山城
行出岡山城啱啱見到依架老虎車仔,係賣大福同雪糕嘅,媽咪梗係唔放過啦。
行過依條橋就係日本三大名園之一嘅「後樂園」嘞
坐低欣賞庭園景色,再食啱啱買嘅雪糕,正!
日式庭園通常都有一個假山,可以比人行上去欣賞整個庭園嘅佈局。
原來園內有人影結婚相喎
穿上白無垢嘅新娘子
園內可以望到岡山城
睇完就搭電車返岡山駅,今次搭新款電車,有枱可以食嘢都得。
去到岡山駅搭火車落倉敷
約15分鐘就落到倉敷。
出咗倉敷駅行十分鐘,就到倉敷美觀地區。
倉敷美觀地區係沿倉敷川兩岸,建於江戶時期嘅建築物,多數以白色牆壁為主,又稱為白壁之町。現時係日本國家指定傳統建築物群保存地區。
倉敷川上的遊船
可惜依穿兩岸嘅柳樹未係生得好茂盛,加果唔係就仲靚。
大原美術館,館內收藏品十分豐富,館內西洋近代展館有雷諾瓦,莫內,高更,塞尚等等的展品。芊芊就想睇,不過我哋冇時間吖,喺門口影吓相算啦。
行行吓就落雨,走咗去食雪糕兼避雨
落完雨後另有一番景象
影埋張相就走啦,皓怡做乜笑到見牙唔見眼呢?
慢慢行路返倉敷駅
行到倉敷駅嘞,依家個駅大裝修包迎咗,都睇唔到個外形添。好拉,跟住搭火車返岡山
返去岡山就返酒店攞行李,跟住去Bic camera買嘢
我買咗嚿相機電,仲平過香港喎,不過喺又係Made in China
喺岡山駅搭山陽新幹線去新大阪
芊芊第一次搭子彈火車
唔洗一個鐘就去到新大阪駅
跟住轉特急Haruka去和歌山
約一個鐘就到和歌山駅
我哋今晚住和歌山駅東口東横Inn
攞咗房就去火車站對面嘅「日本海庄や」食嘢。
D嘢好好食,個肥仔侍應又好好人,仲每樣餸都翻譯埋比我啦睇添。
食完出門口同佢影番張相先
行咗一陣街之後,媽咪去Mister Donut買宵夜。
依個就係我嘅宵夜
留言列表