2014年6月11日，Super Hotel嘅早餐起東横Inn多D嘢食。
食完早餐，就攞埋D行李去高松駅寄存，後搭巴士去栗林公園。嚟到栗林公園就落雨，公園售票處D人見我哋唔夠遮，仲借埋遮比我哋添。
栗林公園最初由讚岐領主生駒高俊於1625年建造南湖一帶，後於1642年由入封的松平賴重繼續興建，經過松平氏5代約100年才完成，一直係松平家喺私人庭園。明治維新的廢藩置縣令後，開放成公眾參觀的公園，現為國指定特別名勝。
鶴龜松
屏風松
涵翠池
掬月亭
見落雨冇地方去，行入掬月亭飲茶
飲茶的茶室
穿和服的工作人員
我哋飲抹茶
紅豆餡的和果子
細路飲綠茶
飲完茶再喺茶室內影吓相先
茶室外的枯山水
慢慢欣賞寧靜的南湖
飲完荼，雨亦停咗，天色都清咗D
行上飛來峰可以欣賞到整個栗林公園的佈局
栗林公園太靚啦，睇到過晒鐘，惟有搭的士去高松駅攞行李，然後行去高松港搭四國汽船去直島。
行去碼頭
見到架船啱啱泊岸
就喺依度買飛
買咗飛等上船
去直島嘅船上層載客，下層載車。
拜拜啦，高松港
向瀬戶內海出發
直島係瀨戶內海嘅一個小島，人口只有四千，每三年舉行一次的瀬戶內海藝術節，很多藝術家作品會在這裡展出，展後會留在當地，令整個小島充滿藝術氣色，可惜我就唔多識欣賞吖。我開始設計行程時都冇諗過去，不過芊芊睇到我本旅遊書個大紅南瓜時，即刻嘩一聲，草間彌生嘅大南瓜呀！話要我將直島加入行程中，等佢可以嚟朝聖喎。
約50分鐘航程，就到直島嘞，招牌嘅紅色大南瓜遠遠都望到。
南瓜係中空嘅，人可以行入去，夜晚仲有燈架
紅南瓜作者係草間彌生
喺碼頭旁亦有葡萄牙藝術家josé de guimarães嘅作品
碼頭對面嘅神社
我哋喺碼頭對面嘅TVC單車舖租車半日遊
好多斜路，雖然架車有波，但都要行吓呌吓。
到咗我哋嘅第一站地中美術館，地中美術館嘅設計師係安藤忠雄(即係同坂の上の雲博物館同一人)，將成間美術館藏入個山入面，全部用水泥、鐵、玻璃建成，簡約清新，同時引入大量天然光，係安藤忠雄嘅代表作。
安藤忠雄好鍾意用三角形構圖。
美術館嘅餐廳對住瀬戶內海，風景好靚
美術館內係唔可以攝影嘅，所以我哋出咗美術館嘅出口先影番張相。
館內最著名嘅展品係莫內嘅睡蓮糸列，美術館外嘅池塘種滿睡蓮，係一幅現實嘅睡蓮。
睇完就去下一站～李禹煥美術館
芊芊踩到冇氣
本來諗住去李禹煥美術館，不過踩踩吓過咗龍都唔知，算啦，睇少個啦。
放在直島路邊嘅展品
Benesse House Art Site Naoshima係由安藤忠雄設計嘅旅店，就喺海邊，如果想住喺藝術品入面可以book依間旅店，淡季最平都要3萬幾日元，我都係睇吓算啦
芊芊一睇就話係Niki嘅作品，我就覺得D顏色鮮艷同好靚。
跟住行去海邊睇埋草間彌生嘅另一件作品～黃色南瓜
芊芊叫我同佢影張有型嘅相喎
有型好辛苦架～尤其係個攝影師
跟住就踩返去交車囉
直島嘅水渠蓋
喺去宇野嘅船回望紅南瓜。
同直島講拜拜嘞
20分鐘船程就到咗岡山縣嘅宇野港
宇野港碼頭附近嘅藝術品
宇野駅
不過未夠鐘有車，去7仔買D嘢食吓同影吓個水渠蓋啦
喺宇野搭火車去岡山
唔洗一個鐘就去到岡山駅，喺月台又見到麵包超人火車。
今晚我哋住岡山駅東口嘅東横Inn
我哋住家庭房，有兩張大雙人床同有客廳
放好行李後就去岡山出名嘅豬排飯專門店「味司野村」食豬排飯
食飽就沿桃太郎大通行返去岡山駅，跟住就返酒店
留言列表
