close
近期日本紙狂跌，趁有假期就去我想咗去好耐嘅北海道，睇吓白色世界！
2013年2月21日
朝早搭日航JL736出發，去東京成田機場。
喺機上有本「日本達人」雜誌派，入面話可以去到東京成田機場有小禮物送添
機上嘅飛機餐，普普通通，最正係有盒小雪糕，媽咪就啱晒！
好快就到成田空港嘞，今日好好天氣喎
一出閘就見到有個NTT counter，話有14日免費WIFI送，唔好嘥，登記攞張卡先。
然後就先去check in內陸機。
好多人仲帶埋雪橇去滑雪添。
再去埋sky counter換埋份日本達人禮物。
原來有支幾色筆同埋包紙巾。
平時嚟親成田都係急急腳，今日可以慢慢行，原來都好多嘢睇。依間「空の駅」，就係專賣千葉県嘅農產品。
佢哋標榜係有機同冇農藥，有D仲係「朝採」添，夠晒新鮮！
買盒依排大熱嘅Tokyo Banana迷你裝，食吓先。
行到夠鐘就搭內陸機去北海道嘅新千歲機場咯。
飛咗約個半鐘頭就到咗新千歲咯，睇嚟真係好凍咁，連跑道都結晒冰
D機場工作人員好快就攞行李，見到佢哋好細心，將D行李用雙手逐件放好，而唔係攞嚟掟，唔怪之得我見到有D日本人連紙袋裝嘅嘢都攞嚟寄倉啦！
出咗閘就跟住去樓下搭電車去札幌駅囉。
單程車費1040円。
D日本人唔知係咪做嘢太辛苦，搭親車就瞓覺。
出咗札幌駅就行去轉地鐵東豐線，去薄野我哋間酒店，9點幾鐘連D舖頭都收晒檔咁滯咯。
可能夜咗，連售票機都冇乜人幫襯。
搭3個站200円，日本D交通費真係好貴。
D人搭車唔瞓覺時都係玩手機多。
雖然一出地鐵站就係酒店，但係條樓梯都幾攞命
我哋間酒店係APA東豐薄野駅前，即係以前嘅Green Hotel。
Check in時見到酒店喺花園仔度堆咗幾個小雪人，幾得意喎。
酒店房間都好乾淨，唔錯吖。
媽咪成日掛住玩手機。
D睡衣上面有兩隻千羽鶴送比我哋，幾有心思喎。
D睡衣上面有兩隻千羽鶴送比我哋，幾有心思喎。
10點幾囉，放低行李拿拿臨出去食嘢先。
好在薄野係旺區，好似旺角咁，係不夜天，好多嘢食同睇。
我哋去食山頭火拉麵，以前我哋喺東京嘅台場食過，好好味！今次一於食過番尋味
店內嘅店員見我哋唔識日文，就比咗個中文餐牌我哋睇。
依間山頭火係將麵同料分開上，媽咪叫依個係味噌叉燒拉麵。
我叫依個係鹽味叉燒拉麵。
食完就行返酒店，經過新拉麵橫丁，行入去睇吓先。
可能夜咗，冇乜人。
跟住行便利店，冬天D便利店最多就係賣暖貼，D日本妹愛靚唔愛命，我就啱啱見到個日本妹着住短裙同4、5吋嘅高跟鞋喺雪地上行，冇暖貼點得吖。
今晚嘅宵夜，媽咪食甜品，我就食担担麵，買定盒大奶飲兩晚。
文章標籤
全站熱搜
留言列表
