2012年5月23日,今朝起身見到成枱嘢差緊電,自己都笑咗,旅行都揹咁多身外物>.<
我哋今日book咗和服體驗,食完早餐就向祗園方向出發,途經先斗町,水靜河飛,同琴晚差天共地。
早上嘅鴨川,非常悠閒寧靜。
鴨川上的小白鷺。
400多年前由第一位女性表演者『出雲の阿国』在祗園演出,祗園從此被定為係歌舞伎嘅發源地,在鴨川旁立有阿国的銅像以作紀念。
過咗鴨川就係八坂神社參道,沿住參道行就到八坂神社。
行行吓見到有架巴士停响路中間,仲有D警察圍住,唔知咩事呢?
仲有好多記者添。
八咗一陣就走啦,途中經過依間京都名物『
大頭妹面油紙』,皓怡都買咗幾包。
入拜殿前經過好多間攝末社。
依間攝末社『大國主神社』可能求姻緣好靈,好多繪馬都係求姻緣。
參拜時要搖响個繩上嘅大鈴。
我哋約咗10點半,見有時間,於是行吓八坂神社後面嘅圓山公園。
圓山公園側邊就係日本佛教淨土宗嘅總本山『知恩院』。
有好多小學生由老師帶嚟『知恩院』參觀同寫生。
知恩院最出名就係依個『三門』,建於1621年,高24米係日本最高嘅山門,現時係日本重要文化財(國寶)。
睇完三門,都差唔多夠鐘去和服體驗,最後都冇入去知恩院。
跟住行番入八坂神社,再去和服店『染匠』。
八坂神社嘅南門。
出咗八坂神社嘅南門直行就係。
約行5分鐘就到『
染匠』嘞。
媽咪同皓怡要換衫,老板娘話45分鐘先得喎,我就去行吓街啦。我行去維新の道,幕末志士~坂本龍馬之墓。
中途經過有塊碑都寫住坂本龍馬之墓,但原來要再上去上面嘅『京都靈山護國神社』先係。
京都靈山護國神社,葬咗好多幕末維新志士。
亦都有好多二次大戰嘅陣亡者。
不過依道軍國主義色彩濃厚,唔多啱我......最後連龍馬墓都冇上就走咯。
响護國神社望向八坂神社方向,個八坂の塔好靚。
跟住行去高台寺
高台寺門前嘅高台寺天滿宮。
天滿宮外有一排藏傳佛教嘅經輪。
高台寺係豐臣秀吉妻子北政所於1606年興建,為秀吉祈福的寺院,亦係北政所終老之地。現時係日本重要文化財。
正殿上一個『夢』字,唔知係咪暗示秀吉想征服中國的大夢呢?
响高台寺行落嚟,見到有班小學生旅行嚟旅行。
今日咩日子呢?連幼稚園生都旅行。
行完高台寺就行返去
染匠,沿途都見好多人扮藝伎作『京都散策』。
返到染匠,仲著緊衫
皓怡揀咗粉紅色櫻花圖案。
媽咪就揀咗淺綠色加梅花圖案。
差唔多整好嘞
着好衫就整埋個頭。
整好晒,就同老板娘影返張相先。
出發前响染匠門口影返D先。
『京の町散策』出發啦
首先行『二年坂』同『三年坂』。
無意中响三年坂發現一個叫青龍苑嘅地方,個日式庭園好靚,影到唔捨得走。
跟住行上清水坂。
今日真係唔知咩日子,成條松原通(清水坂)都係旅行嘅學生。
七味粉總店,我哋都買咗包正宗七味粉。
行到清水坂盡頭,就係清水寺嘞。
清水寺入面嘅地主神社,據說求姻緣好靈,不過多人到行都行唔到,我哋門口影完張相就走咯‧
响本殿行出嚟,又係學生哥同學生妹嘅天下,d學校仲請埋導遊嚟講解添。
我真係有D驚個舞台咁多人,只係用D木柱頂着,依個世界文化遺產會唔會冧嫁?
想飲水都要排長龍>.<
行到攰,我哋去舌切茶屋飲吓茶先。
紅豆綠茶冰
抹茶和菓子
飲完茶,影多兩張相就走啦。
跟住就搭巴士去下晝嘅行程銀閣寺嘞
留言列表