close
2012年5月24日，今日係最後一日，早餐後執埋行李就離開我哋住咗3晚嘅四条河原町Super Hotel嘞。
跟住我哋就行過對面搭巴士去京都駅。
好快就到京都駅嘞，媽咪同皓怡拖著行李入駅。
我哋入咗站內先，然後搵個大locker寄存D行李，因為我哋最後一程去關西機場嘅電車，都要响依道搭。
京都駅都好多月台嫁，不過都好易搵到自己要搭嘅車。
搭電車落宇治
出咗宇治駅，就會見到個大茶缸，跟住向右轉直行就去到宇治橋。
約莫行5分鐘就到咗宇治橋。
啱啱見到有個導遊帶班日本婆婆嚟宇治橋睇宇治川。唔知點解依幾日成日都見到D日本婆婆出嚟旅行，但就唔見D日本公公嘅？
响宇治橋頭有一個紫式部嘅石像，依個紫式部响日本係一位好出名嘅文學家，於公元1004年寫下世界歷史上第一本長篇寫實小說『源氏物語』。而依部源氏物語的背景地方，就係京都同宇治，所以宇治市為佢立像。
現時日本就以紫式部嘅畫像印响2000円紙幣上。
一嚟到宇治，就周街都係綠茶同佢D週邊產品，而D舖頭就間間都話經營幾百年。
媽咪鐘意飲茶，買得好開心！
我哋首先行去參觀建於1052年嘅平等院 ，亦都係世界文化遺產。
明治天皇都有嚟過參觀嫁。
平等院嘅觀音堂，又係好多學生嚟參觀，我哋都冇行入去睇。
位於阿字池水中嘅鳳凰堂。
鳳凰堂原名係阿彌陀堂，後因外型似欲振翅而飛的鳳凰，在屋樑上更有兩隻尊貴象徵的金銅鳳凰像，遂在江戶時期，改名為「鳳凰堂」。
平等院嘅大銅鐘。
睇完平等院就行去上宇治神社，途中見到有綠茶雪糕賣，買嚟食吓先。
沿住東海自然步道行。
先過橘橋去宇治川嘅中之島。
中之島上有D公公婆婆在野餐
再由中之島經朝霧橋去宇治川對面岸。
過咗橋又有『源氏物語』嘅故事銅像。
跟住就行去宇治神社。
宇治神社前嘅拜殿~桐原殿。
桐原殿後面就係二の鳥居同拜所。
宇治神社嘅二の鳥居。
搖鈐再參拜。
睇完宇治神社就行去宇治上神社，亦都係聯合國世界文化遺產。
宇治上神社嘅鳥居，不過啱啱整緊路。
神社前嘅表門同石橋。
响拜所側邊有間屋仔，內有泉水湧出，係宇治七名水之一，有D人專登嚟攞水返屋企飲。
隔離仲有嚿石，好似話係天降石。
後面嘅本殿，係日本國寶。
睇完之後就行返去平等院表参道食午餐，我哋令次食嘅餐廳叫『川文』
依間D環境幾好，D嘢都好好食！
食完之後就搭JR電車返京都，臨走都買返支宇治綠茶飲吓先。
去宇治D車好多都係綠色嫁。
返到京都見仲有時間，咪行吓去東本願寺睇吓先。
去到門口先知原來仲裝修緊(我哋幾年前嚟都係咁)！
D殿全部包住冇得睇，唯一可做嘅就係喂白鴿。
跟住返京都駅搭Haruka Express去關西機場。不過可能冇客，由以前半個鐘一班改為一個鐘一班。
去到關西機場，都係冷清清。
入閘啦，下次再嚟過啦！
文章標籤
全站熱搜
留言列表
