2013年2月22日,今日起身好好天氣,喺我哋間房望出去,藍天白雲,正!
行出去搵早餐食,見到D摌雪工人喺D行人過路位摌雪,真係辛苦晒。
回頭望返我哋間酒店。
早上D上班族。
早上嘅薄野街頭,人流唔多
我哋去「
松屋」食早餐,依間係連鎖店,D價錢唔貴。
同大部分食店一樣,先去售票機買飛先。
再將飛交比店員,然後攞住票尾等食。
媽咪食燒魚定食(連同納豆)早餐。
我食腸仔雙蛋連牛肉飯早餐
食完就行街街,不過開始陰天添。
首先行
狸小路,但係可能早得滯,唔係咁多舖頭開檔。
行行吓開始落雪添。
行到札幌大通公園,後面係扎幌電視塔。
啱啱過咗雪祭,大通公園D冰雕同設施都拆緊。
D雪越落越大添。
喺風雪中繼續行去時計台。
時計台係以前北海道大學嘅武術課室(演武塲)嘅鐘樓。
演武塲仲有展出大鐘嘅結構。
下面就係大通公園
展望台上面竟然有間小神社。
仲有得玩貼紙相添。
電視塔旁邊係NHK日本放送協會電視臺,我哋行入去睇吓。
入面有個展覽廳,展出北海道嘅一位水彩畫家~
中島敏文嘅畫作,畫得好靚架。仲有D印咗明信片送比人,媽咪都攞咗張。
平時喺屋企見到芊芊個銀包係依個公仔,原來係NHK嘅吉祥物係
DOMO,我依家先知道咋。
跟住就去舊北海道官廳,依間紅磚屋建於1888年,係戰前嘅北海道行政中心,現時係國家文化財產。
舊北海道廳入面好古色古香,我覺得有D似香港大學。
依處間紀念品店只要出示護照就免稅,買白之戀人同馬油就最抵。
睇完出嚟,又有藍天白雲。
行完之後就去札幌駅搭火車去小樽,上車前買定D嘢食先。
大約半個鐘頭就去到小樽咯。
小樽火車站,又落緊雪。
小樽D街道嘅積雪有人咁高。
街頭有D人仲堆咗個小雪人添
舊手宮線鐵路,不過已經比雪封住睇唔到囉。
小樽係一個歷史小城,在明治時期日俄戰爭後,日本奪得庫頁島(日本稱為樺太),日本本土為開發樺太,小樽成為兩地間嘅中轉站,於是發展起倉庫和銀行金融業中 心,到2次大戰前,全城都係銀行等金融機構,日本人叫小樽為「北之華爾街」。但到日本戰敗後,庫頁島回歸蘇聯,至此金融機構撤退,小城從此沒落……。但全城的建築物亦凝結得以保留下來,近年以其獨特的古典建築物變身成為旅遊城市,人氣奇跡地更勝從前!
運河旁的倉庫,但運河已經冇實際運輸用途,所以60年代開始市政府想填平佢嚟發展,激起全國保育運河運動(有D似近年嘅香港保育運動),最後梗係填唔到啦,民選政府點可以反民意而行吖!而小樽運河亦從此成為觀光熱點。
運河旁嘅小樽運河步道,每年2月初都會在此步道旁由市民和全國志願者佈置雪燈,成為雪光之路,亦係每年嘅盛事。
喺淺草橋上係欣賞運河嘅最佳角度呀!
橋邊有個溫度計,得-2.2度咋。
橋邊嘅倉庫依家都變成咗餐廳同紀念品店啦!
淺草橋對面嘅係「出抜小路」,都係餐廳。
好多店舖都係由歷史建築物改裝而成。
路邊有人挖咗個心形大洞,幾個人行入去都得。
小樽好多玻璃工房,係賣玻璃小擺設同埋玩燒玻璃。
行吓睇吓又到天黑囉,而D雪就越落越多添。
風雪中嘅運河
氣溫跌到-4度啦!要走咯。
半路見到我最愛嘅熱粟米湯,梗係即買啦!
有間舖頭門口有足湯比人浸吓,但係咁凍,邊有人浸吖。
返到小樽駅啦!
搭返火車返札幌囉。
媽咪食海鮮丼定食,媽咪話好新鮮好好味喎。
我叫豬扒飯同胡椒湯烏冬。
食完飯,見到對面嘅食品超市好多人,行過去睇吓先。
原來係臨關門大割價,9點收舖,8點9割價,想執平嘢就快手。
跟住搭返地鐵返薄野,本來想玩摩天輪,不過媽咪話升咗上半空好凍架,唔想玩。最後咪行吓附近算啦,竟然發現到間古屋名物「
幻の手羽先」嘅北海道分店,舊年我哋响名古屋食過,幾好味架!
行完就返酒店食宵夜囉。
留言列表