hkt222976的部落格

2011年4日12日，今日係全個旅程最後一日，朝早就去對面嘅國光車站，睇定下晝去機場嘅車。

台北火車站嘅花博宣傳公仔。

台北車站附近好多補習社，同香港差唔多！

今日嘅行程主要係行花博，我哋先去圓山區睇主館。

會場好多人，最多人睇嘅爭艷館，竟然要排成兩個鐘。

爭艷館個館頂上蓋，都變成花海。

我覺得同維園花展差唔多，只係响室內啫！

睇完室內就睇室外，出面嘅花海好壯觀！

睇完圓山區之後就坐免費接駁車去『大佳河濱公園區』，D車仲話有wimax上網，但我隻5800上極都上唔到，唔知係咪吹水(wimax好似唔係咁用)定係我隻電話out呢？

大佳河濱係另外一個展區，地方大和平坦，較為適合兒童玩！

大毛毛蟲，原來係車嚟嫁，下晝巡遊時會繞場一周。

場內有好多個風車，用嚟發電比場內用。

場內有宜蘭葱油餅賣，不過冇上次响逢甲夜市D宜蘭葱餅咁好食。

我哋坐船遊花博！

遊完船河後，再搭接駁車去美術公園區。

美術園區內的寰宇庭園，世界各地的参展者把自己國家的特色展示出來。

 

我哋香港都有份參展嫁！

 

睇完花博，就返酒店攞行李去機場，臨走之前再去最後衝刺！

今次又係Hello Kitty 侯機室，媽咪又有得買啦！

 

今次港龍嘅飛機餐有鳳梨酥！好味！