hkt222976的部落格

2011年4月11日，今日响酒店食完早餐就出去行吓，沿住懷寧街就行到『228和平紀念公園』，門口就係台灣博物館，係日治時期的建築物。

响公園入面有一棵流蘇樹，一陣風吹來，樹上嘅白色小花随風而落，好似落雪咁！

228和平紀念碑，『228事件』是國民黨政府統治台灣黑暗的一幕，有點像『64事件』。雖然已經平反，但每次台灣選舉，都被民進黨拿出來取票的！

 

228公園前就係總統府，這條凱達格蘭大道，又名反貪腐民主廣場。

總統府前D就係自由廣場，即係中正紀念堂。

跟住就搭捷運去南港站，睇幾米漫畫。唔洗出閘，幾好喎！

 

媽咪係幾米Fans，嚟到係咁影過不停。

 

之後就搭返捷運去木柵站，然後轉巴士去平溪。响巴士站前有間小食店，我哋見未有車，就响道食埋午餐，NT$50一個餐，好抵食呀！

搭台北客運1076號約一個鐘就到咗平溪嘞，依家D人鍾意响路軌道放天燈喎。

跟住等火車去十分，不過天氣唔好，天陰陰，想落雨咁！

15分鐘就到咗十分火車站嘞！

一出站就食我的最愛『台灣香腸』。

然後行去十分瀑布，途經台灣煤礦博物館，不過冇開門。

越行越陰天，仲有少少雨添！

終於行到嚟十分瀑布啦！

之後行返去十分車站，天都黑埋囉。

跟住搭車去菁桐，原來依架係彩繪車嚟嫁。

話咁快就到菁桐啦，依個站特色係日式木做火車站。

仲有人响火車站入面影婚紗相添。

火車站外有一個舊火車頭，不過外面掛滿祈福竹筒吖！

跟住响菁桐搭巴士返台北。然後我哋就响依間『良品』食牛肉麵當晚餐。

個老板見我哋攞住本香港旅遊書行入嚟，就話一個清燉牛肉麵、一個紅燒牛肉麵最啱你哋香港人嫁嘞！果然冇介紹錯！

食完牛肉麵就再去買兩個老蔡水煎包返酒店當宵夜！

熱辣辣加埋D肉汁，超好味！