2011年4月7日,今朝起身,又係晴朗嘅一天!媽咪又响道懶床,等我又走落海灘睇吓先!
媽咪琴晚話想响露台對住個海食早餐,咁咪响7仔買定D嘢返嚟食囉!
食完早餐就到處逛,睇吓咐近D民宿靚唔靚啦。
然後就行吓墾丁大街,買吓手信咁啦!
墾丁大街上嘅郵政局
行到攰就去吓KFC食嘢
之後就返民宿等共乘車上高雄,冇乜嘢做又到處影吓相,上吓網咁啦!
搭咗兩個幾鐘頭車,就去到高雄我哋Book咗嘅酒店--高雄喜悅商務大飯店嘞!
放低行李之後,我哋行去美麗島捷運站旁嘅婚紗街行吓、睇吓啦!
睇完就落高雄最美麗嘅捷運站--美麗島站。
站內大堂嘅玻璃藝術天花--光之穹頂。
我哋搭捷運去凱旋站玩摩天輪,不過高雄捷運冇乜人搭,我估係蝕本嘅!
出咗捷運站就有接駁車去『夢時代商場』
唔駛5分鐘就到咯!
跟住仲搵埋鴨仔車,即係水陸兩用觀光車嘅站。
我最想搭吓依個被稱為高雄之眼嘅摩天輪,全部車廂都有唔同嘅sanrio公仔嫁!
我哋專登等透明車廂先嚟搭,刺激D吖嘛!
依架車主題係玉桂狗。
响架摩天輪道睇日落又幾靚喎。
跟住行落樓下商場食吓嘢啦
食完之後睇埋個夜景就走嘞!
跟住搭返捷運去中央公園站睇城市光廊。
之後行去『苓雅夜市』,不過依個夜市好小形,冇乜嘢睇。
我哋响苓雅夜市食海鮮粥同鱸魚粥,好鮮味,好正!
食完之後,就買返包我最鐘意食嘅鹽水雞返酒店做宵夜。
文章標籤
全站熱搜
留言列表