hkt222976的部落格

2011年4月6日，今朝起身走出露台，有太陽喎！天氣一好，人都精神D！

  
媽咪懶响張床道，仲未肯起身跟住，話難得放假，要瞓多陣先喎。我就起慣早身，於是一個人走落沙灘行吓先。

  

影完相就返民宿，媽咪都起咗身咯，咁咪落墾丁大街食早餐啦！不過冇乜舖頭開門，咁就求其搵間舖仔食D嘢算啦，但係都唔差喎！

 

因為我Book咗11點鐘包車，未夠鐘上車，於是同媽咪又去行墾丁大灣。

 

 

我响網上Book咗東方足跡嘅車一日， 依位就係我哋今日嘅導遊兼司機--東方大哥嘞！我估佢應該老板啦，公司名都係叫東方。

第一站--船帆石。

跟住去香蕉灣，一個被東方大哥形容為『水清得太過分』的小港灣。

水底的珊瑚和珊瑚魚都清晣可見！

香蕉灣都有D民宿，好靚嫁，不過就隔涉咗D囉，冇車出入都幾煩！

然後去砂島，依個其實係一個海灘，而唔係一個島。這個灘的沙大都分是貝殼沙，即係由貝殼經千百年來嘅海浪沖刷而成，好幼滑嫁！仲有D係星沙嚟嫁！

依度係保護區，禁上遊客進入，以防有人將沙帶走！

在保護區旁，設有貝殼沙展示館，介紹貝殼沙的形成。

仲有D沙比人摸吓，原來D沙好滑嫁！

不過保護區旁邊，仍有一個珊瑚灘，可以比人行落去玩，好靚嫁！

玩完砂島跟着就去鵝鑾鼻公園

响公園山上面就係建於1882年嘅鵝鑾鼻燈塔，依處通常都被認為係台灣最南的地方，其實我一陣去個道先至係台灣最南點！

不過今日係假期翌日，燈塔冇開放，無得行入去睇吖！

之後就去台灣最南點，我嘅手機gps標為北緯21度53'52.51"。比香港嘅北緯22度幾仲要南！

最南點對出仲有一排珊瑚礁石，有D人仲專登行出去添！

我哋响依道影完相後，就有幾團大陸旅行團殺到，細細個平台上企咗成百人，唔計危唔危險，相都影唔到啦！