hkt222976的部落格

2010年8月23日，今日天氣唔多好，天陰陰咁，仲有D雨添，都冇乜心情影相......今日嘅行程主要就係芙蓉鎮(正式名稱係王村)，一個因為拍咗電影而出咗名嘅地方。
由鳳凰古城搭咗半日車終於到咗芙蓉鎮，不過落緊雨吖。

王村本來只係湖南省嘅一條依山而建嘅古老村落，只係因為1986年曾經响依道拍咗套叫芙蓉鎮嘅戲(我都冇睇過)而變成旅遊景點。

  

首先我哋去睇王村瀑布，今日落雨所以D水都幾多吖！

村內大街上有個貞節牌坊，芊芊响佢隔離買咗個薯仔丸食，幾好食喎！

 

睇完之後就搭車去張家界市食午飯，然後去睇『指定觀光點』軍聲畫院。

依間軍聲畫院，係由一位叫李軍聲的藝術家開的，他的作品全部由沙石、植物等砌成的畫，都幾好睇嘅。不過依家就主要係賣畫嘅，我哋都買咗兩幅吖！

 

之後就去睇自費景點土家風情園，個導遊話係以前嘅『土司』即係土皇帝住嘅地方，我就覺得有D似深圳嘅民俗文化村咁嘅嘢！

   

  

場內有土家族的哭嫁表演。

 

 

我哋住嘅酒店叫『張家界專家村賓館』，房間都幾靚嫁！

 

酒店餐廳仲有人畫國畫同即場賣畫添！