close
2010年8月22日，今朝起身响酒店附近打個圈，影吓相啦！
依間酒店好靚，不過就好隔涉，周圍乜都冇！
食完早餐後就坐車去鳳凰古城，不過就搭咗成半日先到，坐到好攰。
我哋就住响依間『鳳凰江天旅遊度假村』，就响古城入便，買野同行街好方便，不過設施就好一般啦，約3星啦！
城內好多嘢土產賣，有黑色嘅臭豆腐、姜糖、獼猴桃(奇異果)、煙同酒啦！
跟住就行吓古城，影吓相啦。依個古城已經有好多年歷史，春秋戰國時期已經有好多苗族同土家族人住响道，民國時期作家沈從民亦都係鳳凰人，佢最出名嘅作品『邊 城』，就係描述這裏，近代畫家『黄永玉』亦係鳳凰人。到咗2001年國務院宣佈鳳凰古城為『國家歷史文化名城』添。不過其實城內有好多地方都係近年重建嘅 (即係仿製品啦)，而城內嘅屋都變晒商店同旅店啦！
古城中間由一條叫『沱江』嘅河分開兩邊，岸邊嘅屋由D木柱撑住，叫做『吊腳樓』，依家D屋就係水泥因磚石做，D柱就裝飾居多囉！
依個『古城』唔係大又冇車，沿住慢慢行，欣賞吓D『古城』風貌，幾舒服吖。
依檔吳記苗族烤餅，個老闆好好人，D餅又好食，正！！
夜晚古城變成不夜城，好似廟街咁，好多嘢食！
我哋仲响依道食宵夜，D炒菜同烤土家雞好好味！
仲冇D賣唱歌手行埋D座位道比人點歌添，連Beyond首『海闊天空』都有人點，雖然D廣東話唔係好正，但都唱得幾好聽！
文章標籤
全站熱搜
留言列表
