hkt222976的部落格

今年約三、四月芊芊同我哋講，話今年暑假想去張家界或者九寨溝玩吓，我問佢：『乜你哋D細路唔係想去日本嫁咩？』芊芊話：『嗰道D風景好靚嫁！我個中文老師比咗D相我哋睇，超靚嫁！』。皓怡就話：『去日本好喎！你有冇睇新聞嫁？大陸D嘢好得人驚嫁！』芊芊就話『日本遲D去都冇乜點變，大陸咁多人，遲D去可能污染晒，咁就唔靚嫁嘞。』媽咪就話：『跟團去咪安全囉！』所以最後決定跟團去張家界，九寨要成八千蚊，太貴嘞！

8月21日出發啦！

 
今次搭南方航空CZ3064班機去長沙，10:55起飛。

 

不過上晒機先話長沙『空管』，等咗成個鐘先起飛，兩個女等到瞓埋覺添...

 

到咗長沙之後第一站就係湖南省博物館。

 

嚟依道主要係睇已經有二千幾年歷史嘅馬王堆漢墓

 

跟住去睇建於清朝初年嘅『天心閣』。

 

依處仲有一些長沙古城牆添

 

 

不過依個天心閣嘅閣樓就係1983年時重建嘅。

 

然後去睇白沙古井，依個井已經有二千幾年歷史。

 

 

依家仲有好多長沙市民嚟攞水，話好清甜，對身體有益喎！芊芊都攞返支添！

 

跟住就去睇湘江沿岸景色，啱啱碰到日落，又幾靚喎！

 

食完晚飯之後我哋就去常德市郊嘅酒店---清水湖國際會議中心，幾靚嫁！

 

不過間酒店嘅英文就笑死人，仲話係『國際』喎！