2010年1月21日，今日係今次旅程最後嘅一日，朝早先去銀行換錢先，因為洗晒台幣，連買車飛去機場都唔 夠，酒店D匯率好差，不過原來唔係間間銀行有得換。最後去到彰化銀行嘅總行先有得換，不過佢哋D職員好似未見過港幣咁，攞住張港幣睇嚟睇去，又唔肯收渣打 嘅500蚊，最後只係肯收匯豐嘅500蚊，仲要收手續費！下次真係要响香港換夠先好去台中(台北就冇咁煩)！不過依間彰化銀行古色古香，成間以前嘅匯豐銀 行總行咁，幾靚嫁！
跟住返酒店check out後再放低D行李，然後出去行街。台中比起台北係一個較為落後嘅城市，市內建築物很多仍保留六、七十年代甚至日治時期的特色！
我哋行返去台中車站睇吓。
台中車站入面有D鐵路文物展覽，又幾得意喎。
站內嘅台鐵本舖仲有好多懷舊嘅台鐵紀念品賣添。
站內嘅餐廳有磨菇湯同粟米湯包賣，開熱水就變成一杯熱辣辣嘅湯，好正嫁！
之後行去後站嘅20號倉庫睇吓，這裏原是台中火車站的貨倉，現已改建成藝術展覽場地，我哋參觀時除咗一D傳統式展覽外，還有些互動式展覽，要行入一間房間內，展覽才會開始，再揮手者出聲才會有影像和音樂出現。不過對我依D藝術盲嚟講就唔多識欣賞嘞！
响20號倉庫隔離就係21到26號倉庫，亦是交給一些當地藝術團體作為劇場、舞蹈、裝置藝術等場地。
還有一個舊火車車廂改建而成的小型展覽場。
火車軌旁的舊屋亦成為塗鴉場地。所以有人叫這裏做『鐵道藝術村』
睇完20號倉庫就行去台中舊酒廠睇吓，依道由日治時期嘅1916年開始已經由日本嘅酒廠响道釀酒，戰後變成台中酒廠，到1998年洒廠搬走後，這裏便由政府改為『文化創意園區』(歷史文物唔拆得)，成為展覽、實驗劇場、藝術演出等場地。
依D係日式倉庫，現已改為展覽場館，依道亦係台灣電影『海角七號』嘅拍攝場地之一。星期六、日好多人嚟睇嫁！不過我哋今日嚟就冇乜人喎。
場館內依家做緊包裝展覽。
睇完之後就行返酒店攞行李搭車去機場，行過鮮芋仙，買咗個老大杯嘅珍珠鮮奶綠嚟飲，好正嫁！
跟住搭下晝一點半嘅國光客運去桃園機場。
去到機場又唔係好多人喎。
我哋搭BR857返香港。
入到去禁區，媽咪又去搵Hello Kitty 店啦！
咁就完成咗我哋嘅5天台灣自由行嘞，今次最好玩係上合歡山，媽咪話下次想再上山睇星喎，我就話佢想食嘢就真！不過點都好，我都想再去吓，希望可以啦！
留言列表
