hkt222976的部落格

車站前這個牌坊有D似舊上環街市，即係依家嘅西港城！

 

車站內間隔古色古香。

 

台中車站內嘅柱上雕塑充滿古典風味。

 

影咗一陣，就拖D行李去酒店，我哋今日住响台中假日快捷飯店Tai Chung Holiday Inn Express。依間酒店離火車站約5-10分鐘行程，雖然唔係好遠，不過台灣D行人路又高又低，仲有好多電單車泊晒响道，都好鬼難拖嫁！不過間酒店都新淨，服務又ok，HK$600蚊晚包早餐，都抵住吖！

 

我哋住6樓，望過隔離就係台中公園嘞。

 

擺好行李之後，我哋行過去台中公園睇吓。

 

台中公園係建於1903年的日治時期，所以充滿日式公園的建築風格，現時是台中市市定古蹟。

 

這條紅色的木橋，就和日本的公園一樣。

 

而公園內最出名的地方，就是這個湖心亭，因為1908年日本皇室的載仁親王來台中時曾夜宿這裏。而現時台中市政府的府徽亦是這個亭。

 

 

 

亭後面就是我哋今晚住嘅台中假日快捷飯店Tai Chung Holiday Inn Express

 

這個是公園內的廣播放送台，是以前日治時期給市民收聽廣播之用。

 

台中公園又稱為中山公園，內有孫中山先生的銅像。

 

出咗台中公園後，我哋行去『一中市場』食嘢，沿途有好多婚紗店，擺晒D相出門口比人睇，D拍攝同包裝手法比香港勝一籌！媽咪話下次過嚟影吓都好喎。

 

約10分鐘就行到去一中街，衣處係學校區，每日由下晝放學後到晚上(所以有人叫佢一中夜市)都好多嘢買同食，而且價錢仲比較平添！要就住D學生哥嘛！

 

台中好多大腸包小腸食，即係糯米腸切開中間再加一條香腸，再烤熱嚟食，好好味嫁。不過間間都話係老店、創始店，都唔知邊間先係真？

 

賣相怪怪的港式點心，D點心皮又黃又綠，香港唔係咁嫁喎，睇到都唔想食.....

 

我哋買冰淇淋泡芙食，不過依檔好差，硬蹦蹦......連胃食媽咪都唔食。

 

連台中都有人扮豪大大雞排，不過冇試，唔知好唔好過台北正宗嗰間呢？

 

我哋食炸鹽酥菇，好好味！

 

行完一中市場就行去中華夜市，不過嗰道好差，只係得D車仔檔食嘢，仲係D車仔檔响路邊，想食嘢就要行出馬路叫咗嘢食之後，再行去行人路坐低再食。正如之前司機何先生話依家已經冇乜人去，因為冇乜其它嘢睇同買，依家D人去晒逢甲夜市嫁嘞！所以我連相都係咁咦影兩張算數，就搭車去逢甲夜市啦！

 

去到逢甲夜市嗰邊就真係旺好多，依檔宜蘭蔥餅勁好食，唔怪之排晒長龍啦，連我平時唔食蔥嘅人都要同老婆爭食！真係好正！

 

依間大腸包小腸又排長龍，不過我哋冇試，唔知係咪咁正呢？

 

逢甲夜市據說是全台灣最大的夜市，連續幾條街稱為逢甲商圈，有嘢食、有嘢飲、有衫買、有機打、有百貨公司......

 

估唔到有『港仔』响道賣雞蛋仔，我行埋去睇吓，樣就同香港差唔多(起碼好過今日下晝响一中市場見到嘅港式點心)，不過冇食過，所以味道就唔知點嘞？

 

最後行得太攰，走咗去八方雲集道食，貪佢有得坐，但D味道就梗係一般啦！

 

食完嘢，媽咪又發揮佢嘅shopping專長，我就等到腳軟......之後就搭車返酒店。