2010年1月18日,今朝成十點先起身,梳洗之後跟住就拿拿林走落樓下Donut店攞咗兩個Donut做早餐(係酒店送嫁,一日兩個,總共四個),配埋我哋琴晚响便利店買嘅飲品做早餐,好味道!
今日天氣好好,一出酒店就見到對面台北車站嘅天空有藍天白雲。
跟住搭捷運去『忠孝復興』站,然後轉巴士去九份。
大約一個鐘就上到九份嘞,比起上次搭火車轉巴士好得多,又快又舒服!
胃食媽咪嚟到就梗係食啦!
碟醉雞好正,我依家仲想食呀!
甜品係花生捲冰淇淋,上次响宜蘭食過,好懷念,估唔到依家又有得食,正!
之後行街買嘢,媽咪買咗依個『布明信片』,可以比芊芊做手工添。
仲買咗D公仔毛巾添
跟住行『豎崎路』上九份國小睇風景,不過沿途都係商店同遊客。其實我覺得九份已失去了『悲情城市』那份滄桑味道......
好多人都排排坐响九份國小門口睇九份全景,但我覺得就冇乜特別嘞!
跟住行返落去『阿妹茶樓』試吓佢最出名嘅『泡茶』啦!
而這間『阿妹茶樓』據說就是宮崎駿的動畫『千與千尋』,故事發生嘅地方。
服務員示範如何『泡茶』,跟住媽咪又試吓自己嚟!
好味的『抹茶糕』。
從窗口望出去就是基隆外海,風景很靚!
飲完茶就繼續行落去『昇平戲院』同買『鳳梨酥』。
昇平戲院比我哋上次嚟再殘舊了些,但張『戀戀風塵』劇照又冇乜點變喎?
响昇平戲院側邊嘅依間手信舖,老婆仔話最抵,又平又有嘢送喎!我哋買咗一口酥、鳳梨酥同麻薯。
買完之後就搭的士落返瑞芳,準備去我哋嘅下一站--平溪放天燈!
文章標籤
全站熱搜
留言列表